დროა, სანამ მისი მოქალაქეებისგან ჩვენი დასაცავი არ გახდება, ცოტა ნორმალური განცხადებები გააკეთოს,- ასე პასუხობს ანტიდასავლური მოძრაობა "ხალხის ძალის" ერთ-ერთი ლიდერი, გურამ მაჭარაშვილი უკრაინის საქმეთა დროებითმა რწმუნებულის მიერ გაკეთებულ განცხადებას. 

მაჭარაშვილმა ანდრეი კასიანოვის განცხადება ისევ "საქართველოს ომში ჩართვის მცდელობას" დაუკავშირა და დასძინა, რომ უკრაინის საქმეთა დროებითმა რწმუნებული ცდილობს საკუთარი მოქალაქეები "არეულობის მონაწილე" გახადოს.  

"ბოლო პერიოდში ბატონი კასიანოვი, სამწუხაროდ, ისეთ განცხადებებს აკეთებს, რომ მგონი მას ჩვენგან დასჭირდება დაცვა საკუთარი მოქალაქეებისგან. მას არაფერი გამოუვიდა საქართველოს მოქალაქეებთან, საქართველოს მოქალაქეები პროვოკაციაში ვერ ჩაითრია და ახლა თავის მოქალაქეებს მიადგა და ახლა სურს, მათ გადაადგმევინოს ეს ნაბიჯი, რომ როგორმე, აქ არეულობა მოხდეს. საქართველოში რამდენიმე ათეულ-ათასობით საქართველოს მოქალაქეა, რომლებიც  კარგად გრძნობენ აქ თავს. რაც შეეხება უკრაინის მოქალაქეების ევაკუაციას, მე მინდა ბატონ კასიანოვს შევახსენო, რომ გეოგრაფიულად ცოტა გადახედოს ევროპის ტერიტორიებს. უკრაინის მილიონობით მოქალაქე ცხოვრობს ევროპის სახელმწიფოში და რუსეთის ფედერაციის მილიონობით მოქალაქე ცხოვრობს ევროპის სახელმწიფოებში და თუ ეს რუსეთისა და უკრაინის მოქალაქეები ევროპაში არ ჩხუბობენ, რატომ უნდა, რომ იჩხუბონ საქართველოში? ევროპაში წასულ მილიონ მოქალაქეს, იქიდან ევაკუაციას სად გაუკეთებს, რომელ ქვეყანაში? – დროა, სანამ მისი მოქალაქეებისგან ჩვენი დასაცავი არ გახდება, ცოტა ნორმალური განცხადებები გააკეთოს და დღემდე პასუხი არ არის გაცემული და განმარტოს, საქართველოდან რატომ არის უკრაინის ელჩი გაწვეული და ბელარუსიდან არ არის, რომელიც არის რუსეთის მოკავშირე, იქიდან არ არის ელჩი გაწვეული“,- განაცხადა მაჭარაშვილმა. 

ცნობისთვის, გუშინ უკრაინის საქმეთა დროებითმა რწმუნებულმა, ანდრეი კასიანოვმა განაცხადა, რომ რუსეთთან პირდაპირი ფრენები აღდგენის შემთხვევაში, უკრაინა საქართველოდან საკუთარი მოქალაქეების ევაკუაციას არ გამორიცხავს. 

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება