2023-01-16 11:05:26, 806 ნახვა

---

„ხალხის ძალა“ - პატრონებმა თუ სააკაშვილი ვერ გაათავისუფლეს, რჩება გეგმა B - მისი, როგორც ოქროს მოწმის მოშორება

სააკაშვილი თავის პატრონებს კონკრეტული თემებით აშანტაჟებს, - ამის შესახებ ნათქვამია განაცხადებაში, რომელსაც ანტიდასავლური მოძრაობა "ხალხის ძალა" ავრცელებს.

"ხალხის ძალაში" ფიქრობენ, რომ "ასეთ პირობებში, პატრონები სააკაშვილის გასათავისუფლებლად, ყველაფერს იღონებენ და ხელისუფლების დაშანტაჟებასაც გააგრძელებენ.

„მიხეილ სააკაშვილის პატრონებმა სულ უფრო მოუხშირეს საუბარს იმაზე, რომ ციხეში სააკაშვილის შესაძლო სიკვდილმა საქართველოს მომავალი შეიძლება, განსაზღვროს. ამ თემაზე საჯაროდ ბოლოს მაიკლ მაკფოლმა ისაუბრა. რამდენადაც ვიცით, იგივე მესიჯი აქვთ დალაგებული სააკაშვილის პატრონებს ხელისუფლების ლიდერებთან შეხვედრებზეც, რომლებიც დახურულ კარს მიღმა იმართება. აღნიშნული მესიჯი ადასტურებს ინფორმაციას იმის შესახებ, რომ სააკაშვილი თავის პატრონებს კონკრეტული თემებით აშანტაჟებს.

სააკაშვილი პატრონებს ემუქრება, რომ 2008 წლის ომთან დაკავშირებით არა მხოლოდ ყველაფერს მოჰყვება, არამედ შესაბამის მტკიცებულებებსაც გაასაჯაროებს. იგივე ეხება რევოლუციის მოსაწყობად სააკაშვილის საქართველოში ჩამოყვანის სპეცოპერაციასაც, რაზეც ის პატრონებს ასევე მტკიცებულებების დადებით ემუქრება. ასეთ პირობებში, ბუნებრივია, პატრონები სააკაშვილის გასათავისუფლებლად ყველაფერს იღონებენ და ხელისუფლების დაშანტაჟებასაც გააგრძელებენ", - აღნიშნულია "ხალხის ძალის" განცხადებაში.

ანტიდასავლურ მოძრაობაში მიიჩნევენ, რომ იმ შემთხვევაში, თუ "სააკაშვილის პატრონებმა" მიზანს ვერ მიაღწიეს, იმოქმედებენ გეგმა B-ს მიხედვით, რაც განცხადების ავტორების აზრით, მესამე პრეზიდენტის "მოშორებას" გულისხმობს.

"თუ მიზანს ვერ მიაღწიეს, ლოგიკურად რჩება გეგმა B: სააკაშვილის, როგორც ოქროს მოწმის მოშორება. სააკაშვილის ლიკვიდაციის შემთხვევაში, პატრონები ორ კურდღელს დაიჭერენ: პირველი, მოიშორებენ ოქროს მოწმეს, რომელსაც ციხეში ნულოვანი პოლიტიკური ფასი აქვს;  მეორე და მთავარი, სააკაშვილის სიკვდილს ხელისუფლებას დააბრალებენ და ამ საბაბით, ქვეყანაში მასობრივი არეულობის მოწყობას შეეცდებიან, რისი საბოლოო მიზანიც ხელისუფლების ძალადობრივი ცვლილება და საქართველოში მეორე ფრონტის გახსნა იქნება. აქედან გამომდინარე, მოვუწოდებთ ხელისუფლებას, გამოიჩინოს მაქსიმალური სიფრთხილე, რათა სააკაშვილის პატრონებს არც ერთი გეგმის განხორციელების შესაძლებლობა არ მიეცეთ“, - აღნიშნულია ანტიდასავლური მოძრაობის მიერ გავრცელებულ განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი