„ერთიანი ნაციონალური მოძრაობის" თავმჯდომარეობის არჩევნებში ამომრჩეველთა რეგისტრაცია იწყება. საარჩევნო კომისიის წევრებმა აღნიშნულ საკითხზე კონსულტაციები უკვე დაასრულეს. 

რეგისტრაცია სოციალურ ქსელ Facebook-ის მეშვეობით მოხდება და რეგისტრაცია პარტიის ამომრჩეველთა გუნდს ხვალ დილამდე შეეძლება. 

"დღეს დაიწყება თავმჯდომარის არჩევნებზე მონაწილეობისთვის ამომრჩეველთა რეგისტრაციის პროცესი. ამ მიზნით, ჩვენ ოფიციალურ Facebook გვერდზე განთავსდება ბმული, რომლის ღილაკზე ხელის დაჭერის შემთხვევაში გადადის სარეგისტრაციო ფანჯარაში, სადაც შეგყავს პირადი მონაცემები. ამის შემდეგ მიიღებს ვერიფიკაციის კოდს და მისი გააქტიურების შედეგად, ის ხვდება ამომრჩეველთა ერთიან ბაზაში. თავად რეგისტრაციის პროცესი წარიმართება დღეიდან, მეორე დღის 10 საათამდე",- განაცხადა თბილისის საკრებულოს ფრაქცია "ნაციონალური მოძრაობის" წევრმა, ნინო კვიტაიშვილმა.

ცნობისთვის, 9 ნოემბერს, ირაკლი ნადირაძემ რეგიონულ ლიდერებთან ერთად გამართულ ბრიფინგზე განაცხადა, რომ „ერთიანი ნაციონალური მოძრაობის" ნაწილი პარტიაში შიდა არჩევნების ჩატარებასა და ახალი თავმჯდომარის არჩევას ითხოვს.

ამის საპასუხოდ, პარტიის მოქმედმა თავმჯდომარემ, ნიკა მელიამ თქვა, რომ ეს იყო ნაჩქარევი განცხადება, რომელსაც "შორსმიმავალი გეგმები" აქვს, თუმცა მზადაა, რომ არჩევნებში მონაწილეობა მიიღოს.

თავმჯდომარის პოსტზე საკუთარი კანდიდატურა წარადგინა „ნაციონალური მოძრაობის“ წევრმა, ლევან ხაბეიშვილმა და ნიკა მელიასთან დაპირისპირებაში მყოფმა გიორგი მუმლაძემ. აღსანიშნავია, რომ თავმჯდომარეობისთვის ბრძოლას გეგმავდა გიორგი ჩალაძეც, თუმცა მისი კანდიდატურა წარდგენიდან მალევე მოხსნა. 

12 დეკემბერს ცნობილი გახდა, რომ „ნაციონალური მოძრაობის" თავმჯდომარეობისთვის ნონა მამულაშვილიც იბრძოლებდა, რომელმაც სულ ცოტა ხნის წინ პარტიაც და პარლამენტიც ოფიციალურად დატოვა იმ მოტივით, რომ "პარტიას სიახლე და გაჯანსაღება არ ეტყობოდა". 

ავტორი: ექსპრესნიუსი,

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა