საქართველოს მესამე პრეზიდენტის უფლებადამცველი შალვა ხაჭაპურიძე პარლამენტში მივიდა, სადაც ფრაქცია "ნაციონალური მოძრაობის" დეპუტატებსა და იმ იურისტთა ჯგუფს ხვდება, რომელსაც მიხეილ სააკაშვილის საქმეზე შემხებლობა აქვს. 

როგორც შალვა ხაჭაპურიძემ განაცხადა, ოპოზიციის წევრებთან ერთად "მაგნიტსკის სიაზე" მუშაობას იწყებს.

"მიხეილ სააკაშვილმა მთხოვა, რომ ამ იურისტების ჯგუფს შევხვედროდი, გავცნობოდი მასალებს, რა მზადდება რომელ პირებზე მზადდება, ჩემი მხრიდან, თუ რამე იქნება საჭირო მტკიცებულებები იმ საქმის, რომელსაც მე წარვმართავ და ხელმძღვანელობ, ეს მტკიცებულებები გადავცე ამ ჯგუფს. მისი პოზიცია გახლავთ ის, რომ, ამ სიაში მოხვდნენ ის ადამიანები, რომლებიც მის მიმართ უკანონო ქმედებებს ახორციელებდნენ და იღებდნენ მონაწილეობას იმ კანონდარღვევებში, რაც არაერთხელ გვინახავს", - განაცხადა შალვა ხაჭაპურიძემ. 

როგორც ფრაქცია "ნაციონალური მოძრაობის" დეპუტატი ხატია დეკანოიძე ამბობს, "მაგნიტსკის სიაზე" მიერთებულნი უნდა იყვნენ ის ადამიანები, ვინც უშუალოდ ჩაიდინა დანაშაული და ადამიანის უფლებები კონვენციები დაარღვია.

"მაგნიტსკის სიაზე მიერთებულნი უნდა იყვნენ ის ადამიანები, ვინც უშუალოდ ჩაიდინა დანაშაული და ადამიანის უფლებები კონვენციები დაარღვია. იუსტიციის მინისტრი, რომელიც ჩართული იყო არაადამიანურ მოპყრობაში მიხეილ სააკაშვილის მიმართ და უშუალოდ პასუხისმგებელი იყო გაევრცელებინა ის კადრები, რომელიც გავრცელდა - მტკივდება ამ ადამიანის მიერ ადამიანის კონვენციების დარღვევა, ამიტომაც მე ამ ყველა მასალას გადავცემ უფლებადამცველებს და მათი ძირათი ფუნქცია არის სწორედ  "მაგნიტსკის სიაზე" მუშაობა",- განაცხადა ხატია დეკანოიძემ. 

შეგახსენებთ, რომ 8 იანვარს საქართველოს მესამე პრეზიდენტმა „მაგნიტსკის სიის“ ავტორს, ბილ ბროუდერს წერილით მიმართა და სთხოვა, რომ "ქართულ ჯგუფებს" მაგნიტსკის ახალი სიის შედგენაში დაეხმაროს. ექსპრეზიდენტმა წერილში აღნიშნა, რომ მისი ჯანმრთელობის მდგომარეობა თანდათან უარესდება, "ადგილობრივი ოლიგარქიული ნაძირლები" კი, ამას "უბრალოდ დასცინიან".

ავტორი: ექსპრესნიუსი,

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა