2022-12-29 23:03:08, 1757 ნახვა

---

უკრაინის ტერიტორიაზე დეოკუპაციის ღონისძიებების დაწყებიდან, პოლიციამ 1116 დაღუპული მშვიდობიანი მოქალაქის ცხედარი იპოვა

მიკოლაივის, დონეცკის, ხერსონისა და ხარკოვის რეგიონებში დეოკუპაციის ღონისძიებების დაწყების დღიდან პოლიციამ იპოვა 1116 დაღუპული მშვიდობიანი მოქალაქის ცხედარი. ამის შესახებ ინფორმაციას ეროვნული პოლიციის ორგანიზაციული ანალიტიკური მხარდაჭერისა და ოპერატიული რეაგირების დეპარტამენტი ავრცელებს. 

განცხადების მიხედვით, გამომძიებლებმა დააფიქსირეს 5398 სამხედრო დანაშაული დეოკუპირებულ ტერიტორიებზე. საერთო ჯამში, ფართომასშტაბიანი ომის დაწყებიდან, პოლიციამ აღძრა 53 700-ზე მეტი სისხლის სამართლის საქმე რუსეთის სამხედრო მოსამსახურეებისა და მათი თანამზრახველების მიერ სისხლის სამართლის დანაშაულის ჩადენის ფაქტებზე.

"დონეცკის, მიკოლაივის, ხერსონისა და ხარკოვის რეგიონებში დეოკუპაციის ღონისძიებების დაწყებიდან 1 116 მშვიდობიანი მოქალაქის ცხედარი აღმოაჩინეს, მათ შორის 31 ბავშვის ცხედარია. სამი ადამიანის ცხედარი გუშინ ხერსონის რაიონში იპოვეს", - განაცხადა ოპერატიული რეაგირების დეპარტამენტის ხელმძღვანელმა, ალექსეი სერგეევმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი