FBI მოიწვიონ და ჩაატარონ. უფრო მეტიც, იქ სისხლის სამართლის საქმე აღიძრას და დაიწყოს გამოძიება, ამაზე ვართ თანახმა,- ამის შესახებ საქართველოს მესამე პრეზიდენტის უფლებადამცველმა, შალვა ხაჭაპურიძემ განაცხადა.

მისი თქმით, სასამართლო პროცესები რაც შეიძლება სწრაფად ჩატარდეს.

„ჩვენ გვინდა, რომ სასამართლო პროცესები რაც შეიძლება სწრაფად ჩატარდეს. და კიდევ ერთი - ექსპერტიზის ჩატარება ხომ უნდათ. FBI მოიწვიონ და ჩაატარონ. უფრო მეტიც, იქ სისხლის სამართლის საქმე აღიძრას და დაიწყოს გამოძიება, ამაზე ვართ თანახმა“,- განაცხადა ხაჭაპურიძემ.

ხაჭაპურიძის თქმითვე, სააკაშვილს ახალი შეზღუდვები დაუწესეს. კერძოდ, ოჯახის წევრებს წერილების გამოტანა, ხოლო ადვოკატებს შაბათ-კვირას მასთან შესვლა აეკრძალათ.

„ახალი რეგულაციები დაგვახვედრეს. ამიერიდან, სააკაშვილის სანახავად მხოლოდ სპეციალური ეკიპირებით შეგვიშვებენ. ზოგადად, ამ ფორმით პატიმრის მონახულება მხოლოდ რამდენიმე თვე ხდებოდა და ისიც პანდემიის შუა პერიოდი რომ იყო, მე-6 იზოლატორში. სხვაგან მსგავსი არასოდეს არაფერი ყოფილა. ასევე, შაბათ-კვირას ადვოკატებს მასთან შესვლა აგვიკრძალეს. ოჯახს კი წერილები აუკრძალეს და წერილების გამოტანა მხოლოდ ადვოკატებს შეგვეძლება. რაც შეეხება ამ მასკარადს, ამაზეც მოვითხოვთ, რომ რა რეგულაციები, პრემიერ-მინისტრის მხრიდან მსგავსი რეგულაციები გაუქმებულია. ზედმეტი შოუს ელემენტებია და ამის უკან რაღაც დგას. რომ ვითომ სააკაშვილის მიმართ ძალიან დიდი მზრუნველობა მიდის და ა.შ. პანდემიის დროს არ მოუკლიათ ასე თავი“,- დასძინა ხაჭაპურიძემ.

შეგახსენებთ, რომ 22 დეკემბერს, თბილისის საქალაქო სასამართლოში მესამე პრეზიდენტის გათავისუფლების ან სასჯელის გადავადების შუამდგომლობის განხილვაზე პირველი სხდომა ჩატარდა.

პროცესს კლინიკა "ვივამედიდან" მიხეილ სააკაშვილი დისტანციურ რეჟიმში ესწრებოდა, თუმცა ადვოკატის თქმით, სხდომის მიმდინარეობისას მან თავი შეუძლოდ იგრძნო და ჩართვაზე უარი განაცხადა.

ექსპრეზიდენტის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

აღნიშნულს წინ უძღოდა წამების მსხვერპლთა ფსიქოლოგიური რეაბილიტაციის ცენტრ "ემპათიას" დასკვნა, რომლის მიხედვითაც მიხეილ სააკაშვილს 20-ზე მეტი დიაგნოზი თუ სიმპტომო-კომპლექსი აღენიშნება, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას.

თბილისის საქალაქო სასამართლოში საქართველოს მესამე პრეზიდენტის, მიხეილ სააკაშვილის სასჯელის გადავადებაზე მორიგი პროცესი 29 დეკემბერს გაიმართება.

ამასთან, რამოდენიმე დღის წინ რუსმა უფლებადამცველმა, მარკ ფეიგინმა საქართველოს მესამე პრეზიდენტისგან მიიღო წერილი, რომელშიც ეწერა, რომ სააკაშვილის მოკვლის ბრძანება ვლადიმერ პუტინმა გასცა, ამერიკელმა ტოქსიკოლოგებმა კი, მისი ციხეში მოწამვლა დაადგინეს.

ფეიგინი ექსპრეზიდენტის წერილს მალევე გამოეხმაურა და თქვა, რომ მესამე პრეზიდენტის გადასარჩენად გეგმა უკვე არსებობდა, რომელიც გუშინ გაასაჯაროვა.

რუსი უფლებადამცველი გამოვიდა ინიციატივით 4 იანვარს საქართველოს მესამე პრეზიდენტის მხარდასაჭერად სხვადასხვა ქალაქებში საქართველოს საელჩოებთან აქცია გაიმართოს, რასაც უკრაინის პრეზიდენტის ოფისის მრჩევლი, ოლექსეი არესტოვიჩიც შეუერთდა.

ავტორი: ექსპრესნიუსი,

სოციალური ქსელები

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე

შიო მუჯირი 22 ხმით სრულიად საქართველოს კათოლიკოს-პატრიარქი გახდა