ეს ხალხი კიდევ ერთხელ აჩვენებს თავიანთ სახეს და იმას, რომ მართლა არავის დაინდობენ ხელისუფლების უკანონოდ მოპოვების შემთხვევაში, - ასე გამოეხმაურა იუსტიციის მინისტრი რატი ბრეგაძე ოპოზიციის დეპუტატებს, რომლებმაც პროტესტის ნიშნად, პარლამენტის სხდომათა დარბაზი დატოვეს. 

როგორც რატი ბრეგაძემ პლენარულ სხდომაზე სიტყვით გამოსვლისას დასძინა, ოპოზიციის ქმედებები ადასტურებენ, რომ მათ "არაფერი აქვთ საკანონმდებლო საქმიანობასთან და ცივილიზებულ-პოლიტიკურ კულტურასთან". 

"ქართველ ხალხს მინდა ბოდიში მოვუხადო რადიკალური ოპოზიციის ქმედებების გამო, რომლებიც ნათლად ადასტურებენ იმას, რომ არაფერი აქვთ საკანონმდებლო საქმიანობასთან და ცივილიზებულ-პოლიტიკურ კულტურასთან. ჩვენ ვიხილეთ ცილისწამება, როდესაც ადამიანს აბრალებ, რომ არის მკვლელი, ამ ოროსნებს შევახსენებ , რომ მის წინააღმდეგ უნდა იყოს დამდგარი კანონიერი განაჩენი სასამართლოს მიერ და მარტო მას შემდეგ შეიძლება უწოდო მათ მკვლელი. თუმცა, მსგავსი სახის ცილისწამებას მიჩვეული ვართ. ეს ხალხი კიდევ ერთხელ აჩვენებს თავიანთ დაუნდობელ სახეს და ნათლად აჩვენებ, რომ ისინი მართლა არავის დაინდობენ ხელისუფლების უკანონოდ მოპოვების შემთხვევაში, მაგრამ დარწმუნებული ვარ, რომ ამას ქართველი ხალხი მართლა არ დაუშვებს",- განაცხადა ბრეგაძემ. 

შეგახსენებთ, რომ დღეს პარლამენტის პლენარულ სხდომაზე იუსტიციის მინისტრს, რატი ბრეგაძეს  „მინისტრის საათის“ ფორმატში უსმენენ. 

პროტესტის ნიშნად, ფრაქცია „ნაციონალური მოძრაობის“ დეპუტატები სხდომათა დარბაზში საქართველოს მესამე პრეზიდენტის, მიხეილ სააკაშვილის ფოტოებითა და ბანერით - „ნუ კლავთ!“ მივიდნენ. 

ავტორი: ექსპრესნიუსი,

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს