|
2022-12-07 13:40:35, 794 ნახვა
პოლიტიკა
ვაშაძე სააკაშვილზე - ეს სცენარი გამსახურდიას სცენარს ჰგავს
ძალიან ჰგავს ეს სცენარი ზვიად გამსახურდიას გარშემო განვითარებულ სცენარს. ამას შეიძლება დავარქვათ პირდაპირ ტყვიის გარეშე მკვლელობის სცენარი, რომელიც ჩვენს თვალწინ მიმდინარეობს, - ამის შესახებ "სტრატეგია აღმაშენებლის" ლიდერმა, გიორგი ვაშაძემ საქართველოს მესამე პრეზიდენტთან დაკავშირებით განაცხადა. როგორც ვაშაძემ პარლამენტში ჟურნალისტებს უთხრა, აშფოთებს მიხეილ სააკაშვილის მიზანმიმართულ თვითდაზიანებასთან დაკავშირებით ბოლო პერიოდში გაკეთებული განცხადებები. "გაცილებით უფრო საგანგაშოდ მივიჩნევ ბოლო დღეებში მართ მიერ გაკეთებულ განცხადებებს, რომ თითქოსდა მიზანმიმართულად აქვს ადგილი თვითდაზიანებებს მიხეილ სააკაშვილის მხრიდან. ძალიან ჰგავს ეს სცენარი ზვიად გამსახურდიას გარშემო განვითარებულ სცენარს. ამას შეიძლება დავარქვათ პირდაპირ ტყვიის გარეშე მკვლელობის სცენარი, რომელიც ჩვენს თვალწინ მიმდინარეობს", - ამბობს ვაშაძე, რომლის თქმითაც, პარლამენტის თავმჯდომარემ "ვივამედში" ექსპრეზიდენტის მონახულებაზე უარი უთხრა. "მინდოდა გულწრფელად, რომ მენახა მიხეილ სააკაშვილი. ერთი მხრივ, გამემხნევებინა, მეორე მხრივ, პირადად მენახა მისი ჯანმრთელობის მდგომარეობა და ამ მიზნით, მივმართე საქართველოს პარლამენტის თავმჯდომარეს. საქართველოს პარლამენტის თავმჯდომარემ უარი მითხრა მიხეილ სააკაშვილის მონახულებაზე", - განუცხადა ვაშაძემ ჟურნალისტებს. შეგახსენებთ, საქართველოს მესამე პრეზიდენტის სასამართლო პროცესი 9 დეკემბერს, 13:00 საათზეა ჩანიშნული. მიხეილ სააკაშვილის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.
The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე
ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი
„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე
პატრიარქმა კირილმა შიო III-ს მშვიდობიანი და კურთხეული პატრიარქობა უსურვა
|
რედაქტორის რჩევით
არჩეული პატრიარქის რუსული კავშირები
არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე
ომი უკრაინაში
The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე
„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე
ვიდეო/LIVE პატრიარქის ილია მეორის დაკრძალვა - პირდაპირი
არჩეული პატრიარქის რუსული კავშირები
დღის თემა
|


ავტორი: ექსპრესნიუსი,



epn.ge (@expressnews.ge)