დიდი ხანია არაფერი არ უნდა გვიკვირდეს ივანიშვილის რეჟიმისგან, როცა საქმე ეხება სამარცხვინო და მოღალატეობრივ საქციელს, -  ასე ეხმაურება „ევროპული საქართველოს“ თავმჯდომარე, გიგა ბოკერია უკრაინის ელჩის მოვალეობის შემსრულებლის განცხადებას.

ბოკერიას თქმით, საქართველოს ხელისუფლების სირცხვილი არ ჩამოირეცხება, სანამ ოპოზიცია და ხალხი არ შეცვლის მას. 

„დიდი ხანია არაფერი არ უნდა გვიკვირდეს ივანიშვილის რეჟიმისგან, როცა საქმე ეხება სამარცხვინო და მოღალატეობრივ საქციელს. გუშინ საკუთარი ქვეყნის მოქალაქეებს, ვინც საკუთარი ნებითა და რწმენით სიცოცხლე გარისკა ჩვენი ქვეყნისა და ზოგადად თავისუფლებისთვის უკრაინის ფრონტზე ბოროტების იმპერიის წინააღმდეგ, მათ მიაყენეს შეურაცხყოფა. 

ამ ფონზე არაფერი არ არის გასაკვირი, მიუხედავად ამისა ეს ეპიზოდიც დეტალებიც ცოდნის გარეშეც კი კიდევ ერთი მაგალითია, თუ ადამიანობის როგორ არასწორ მხარეს არიან ისტორიის ზოგადად, ჩვენი ქვეყნის ისტორიისა და ადამიანობის მხრივ. ჩვენ ამ სირცხვილს, რომ ასეთი მთავრობა გვყავს, სანამ არ შევცვლით, ვერ ჩამოვირეცხავთ“ - განაცხადა ბოკერიამ. 

ცნობისთვის, საქართველოში უკრაინის საქმეთა დროებითი რწმუნებულმა, ანდრეი კასიანოვმა განაცხადა, რომ მრავალრიცხოვანი თხოვნის მიუხედავად, საქართველოს მთავრობისგან არ მიუღიათ პასუხი უკრაინისთვის როგორც სამხედრო, ასევე ორმაგი დანიშნულების სხვა ტექნიკის მოწოდებაზე.

კასიანოვმა ასევე თქვა, რომ უკრაინამ გენერატორების და ტრანსფორმატორების მოთხოვნითაც მიმართა  საქართველოს მთავრობას, თუმცა დადებითი პასუხი არ მიუღიათ. 

ავტორი: ექსპრესნიუსი,

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა