2022-11-25 22:35:15, 1031 ნახვა

---

ქაცარავა - ოკუპანტებმა ჩვენი მოქალაქე, ლეო ჯარმელიშვილი გაიტაცეს და მის წინააღმდეგ ფიზიკური ძალა გამოიყენეს

ოკუპანტებმა ჩვენი მოქალაქე, ლეო ჯარმელიშვილი გაიტაცეს და მის წინააღმდეგ ფიზიკური ძალა გამოიყენეს. - ამის შესახებ ანტისაოკუპაციო მოძრაობის წევრმა, დავით ქაცარავამ განაცხადა.

მისივე თქმით, გრძელდება გატაცებები, ბორდერიზაციის პროცესი გააქტიურებულია და მიმდინარეობს ჩვენი მიწების ახალი ოკუპაციისათვის მზადება.

"ჩვენთვის გახდა ცნობილი, რომ ოკუპანტებმა 23 ნოემბერს ჩვენი მოქალაქე, ლეო ჯარმელიშვილი გაიტაცეს.
როგორც გავარკვიეთ, ოკუპანტებმა მის წინააღმდეგ ფიზიკური ძალა გამოიყენეს.
ოკუპანტების აქტივობა სამწუხაროდ არ მცირდება.
გრძელდება გატაცებები, ბორდერიზაციის პროცესი გააქტიურებულია და მიმდინარეობს ჩვენი მიწების ახალი ოკუპაციისათვის მზადება, რომელიც გულისხმობს ჩვემი კონტროლირებადი ტერიტორიის, 208 კვადრატული კილომეტრის (208 000 000 კვ.მ) წართმევას". - განაცხადა ქაცარავამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი