2022-11-21 18:35:21, 980 ნახვა

---

დეგნანი - მნიშვნელოვანია, მიხეილ სააკაშვილის მკურნალობის პროცესი მიმდინარეობდეს მაქსიმალურად სამართლიანად

სააკაშვილის ჯანმრთელობის მდგომარეობას თვალყურს ვადევნებთ, რეგულარული კონტაქტი გვაქვს სახალხო დამცველის ოფისთან. - ამის შესახებ საქართველოში აშშ-ის ელჩმა, კელი დეგნანმა განაცხადა.

მისივე თქმით, მნიშვნელოვანია, მიხეილ სააკაშვილის მკურნალობის პროცესი მიმდინარეობდეს მაქსიმალურად სამართლიანად

„ჩვენ კვლავაც ვადევნებთ თვალყურს სააკაშვილის ჯანმრთელობის მდგომარეობას. რეგულარული კონტაქტი გვაქვს სახალხო დამცველის ოფისთან, მათ შორის დღესაც, რათა შევამოწმოთ მისი ჯანმრთელობის მდგომარეობა. ჩვენ განვაგრძობთ მისი ჯანმრთელობის მონიტორინგს, ისევე, როგორც უზრუნველყოფილი იყოს, რომ ის იღებს ყველა სათანადო პროცესს, რომელსაც ყველა მოქალაქე იმსახურებს და განსაზღვრულია კონსტიტუციით“. - ნათქვამია განცხადებაში.

შეგახსენებთ, რომ ბოლო დღეების განმავლობაში მიხეილ სააკაშვილის მდგომარეობა ექიმებისა და ოჯახის წევრების თქმით მძიმეა, რის გამოც მის ადეკვატურ მკურნალობას ითხოვენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი