ირაკლი ღარიბაშვილი, რომელსაც პარლამენტში ინტერპელაციის წესით უსმენენ, ოპოზიციას დაბოღმილ, გამწარებულ და შურით აღვსილნს უწოდებს. 

პრემიერ-მინისტრის თქმით, ოპოზიციას სრული ბოიკოტი აქვს გამოცხადებული და ქვეყნის წინააღმდეგ საბოტაჟს აგრძელებს. 

"თქვენ რას აკეთებთ, მოგმართავთ კითხვით, რატომ არ მონაწილეობთ სამუშაო ჯგუფებში. 12 რეკომენდაციიდან პირველი არის დეპოლარიზაცია, ანუ გვეუბნებიან, რომ უნდა დაასრულოთ ეს სამარცხვინო რიტორიკა და მტრობა ქვეყნის. და თქვენ არაფერს არ აკეთებთ, პირიქით, ცეცხლზე ნავთს ასხამთ, ყოველ დღე. სრული ბოიკოტი გაქვთ გამოცხადებული, როგორც გქონდათ აქამდე და აგრძელებთ საბოტაჟს ქვეყნის წინააღმდეგ. ეს არის სიმართლე, თუ გინდათ ამის მოსმენა და არა ამ სიყალბის გაგრძელება. ამიტომაც, მოახდინეთ დეპოლარიზაცია, ჩვენ ამის მაგალითს მოგცემთ და მზად ვართ, რომ კიდე გავაგრძელოთ, ჩვენ კარები არ დაგვიხურავს თქვენთვის. ერთად ვიზრუნოთ ჩვენს ქვეყანაზე. 

ასევე, გამაოგნებელი იყო თქვენი რეაქცია ევროკომისარის ვიზიტზე. კაცი ჩამოვიდა კონკრეტული მესიჯით ბრიუსელიდან, ეს არ არის რიგითი ევროპარლამენტარი, და ჩვენ ვნახეთ, როგორ თავს დაესხა მთელი დესტრუქციული ოპოზიცია, რადიკალური ფორმით და როგორი შეურაცხყოფა მიაყენეს კაცს. ამაზე მეტი მტკიცებულება, რა სჭირდება ჩვენ საზოგადოებას? ოპოზიციას არ უხარიათ არც ქვეყნის წარმატება, არც ქვეყნის წინსვლა, არც პოზიტიური შეფასებები. ჩვეულებრივად ხართ დაბოღმილი, გამწარებული, შურით აღვსილნი, საშინელებაა",- განაცხადა ღარიბაშვილმა. 

ცნობისთვის, დღეს საქართველოს პარლამენტში ინტერპელაციის წესით პრემიერ-მინისტრ ირაკლი ღარიბაშვილს უსმენენ.

პრემიერ-მინისტრი ოპოზიციონერი დეპუტატების: გიორგი ვაშაძის, პაატა მანჯგალაძის, თეონა აქუბარდიას, ხათუნა სამნიძის, ტარიელ ნაკაიძის, თამარ კორძაიას, როსტომ ჩხეიძის და ნატო ჩხეიძის მიერ გაგზავნილ კითხვებს პასუხობს.

შეკითხვები საქართველოსთვის ევროკავშირის კანდიდატი ქვეყნის სტატუსის მინიჭებას და „ქართული ოცნებისა“ და „ხალხის ძალის“ დეპუტატების მიერ გაკეთებულ განცხადებებს შეეხება.

ავტორი: ექსპრესნიუსი,

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა