გერმანიის კანცლერი ოლაფ შოლცი, მიუხედავად მაღალი რანგის ოფიციალური პირების ზეწოლისა, აყოვნებს საბოლოო გადაწყეტილების მიღებას იმის შესახებ, მიეწოდება თუ არა უკრაინას მაღალტექნოლოგიური ტანკები რუსეთის აგრესიასთან გასამკლავებლად. აღნიშნულის შესახებ Politico წერს.

გეგმა, რომელიც გერმანიის კანცლერს ვიცე-კანცლერმა და ეკონომიკის მინისტრმა, ასევე საგარეო საქმეთა მინისტრმა წარუდგინეს, დაახლოებით 100 ტანკს ითვალისწინებს.

თავდაპირველად მოსალოდნელი იყო, რომ აღნიშნულ საკითხზე გადაწყვეტილება მიმდინარე კვირაში გახდებოდა ცნობილი, თუმცა კანცლერი ამტკიცებს, რომ გერმანიამ ჯერ უნდა მიაღწიოს საერთო პოზიციას დასავლელ მოკავშირეებთან, სანამ ასეთ მძიმე სამხედრო აღჭურვილობას მიაწვდის უკრაინას.

„მჯერა, რომ ეს არის ზუსტად ის საკითხი, რომელშიც გერმანიისთვის განსაკუთრებული როლის შესრულება და განსაკუთრებული გზის გავლა სერიოზული შეცდომა იქნება“, - განაცხადა კანცლერმა.

ცნობისთვის, ნატო-ს წევრი სახელმწიფოების საგარეო საქმეთა მინისტრებმა ოთხშაბათს და ხუთშაბათს განიხილეს უკრაინის სამხედრო მხარდაჭერა, თუმცა ტანკების მიწოდებასთან დაკავშირებით დეტალები არ წარმოადგინეს.

ავტორი: ექსპრესნიუსი,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა