2022-02-26 14:41:01, 583 ნახვა
მსოფლიო
უკრაინის ჯანდაცვის მინისტრი - რუსეთის შემოჭრის შემდეგ დაიღუპა 198 ადამიანი, მათ შორის 3 ბავშვი
უკრაინის ჯანდაცვის მინისტრის, ვიქტორ ლიაშკოს განცხადებით, რუსეთის მიერ უკრაინაში შეჭრის შემდეგ 198 ადამიანი დაიღუპა, მათ შორის 3 ბავშვია. ამის შესახებ ის სოციალურ ქსელში წერს.
მისივე თქმით, დაშავებულია 1 115 ადამიანი, რომელთა შორისაც, 33 მცირეწლოვანია.
უკრაინის ყველაზე მსხვილ ბავშვთა საავადმყოფოში, ოხმატდეტში აღნიშნეს, რომ მათთან აღარ ტარდება გეგმიური ოპერაციები, რათა სამხედრო მოქმედებების შედეგად დაშავებული ბავშვების მკურნალობა შეძლონ.
ავტორი: ექსპრესნიუსი,
epn.ge (@expressnews.ge)
