2021-11-12 15:23:43, 579 ნახვა
პოლიტიკა
ევროპარლამენტარი ანა ფოტიგა პარლამენტში ელენე ხოშტარიას მოსანახულებლად მივიდა
ევროპარლამენტარი ანა ფოტიგა, რომელიც საქართველოში გვიან ღამით ჩამოფრინდა, პარლამენტში მივიდა, სადაც "დროას" ლიდერი, ელენე ხოშტარია მოინახულა.
ევროპარლამენტარი დაინტერესდა ელენე ხოშტარიას ჯანმრთელობის მდგომარეობით, რომელიც უკვე მე–10 დღეა მიხეილ სააკაშვილის მულტიფუნქციურ კლინიკაში გადაყვანის მოთხოვნით, საკანონმდებლო ორგანოში შიმშილობს.
ევროპარლამენტარი ფოტიგა დღეს ოპოზიციონერ დეპუტატს, სალომე სამადაშვილსაც შეხვდა.
შეგახსენებთ, რომ ანა ფოტიგა საქართველოში გვიან ღამით ჩამოფრინდა. როგორც მან ჟურნალისტებთან განაცხადა, მისი მიზანია საქართველოს ექს–პრეზიდენტის, მიხეილ სააკაშვილის მონახულება, რომელიც უკვე 43–ე დღეა შიმშილობს.
ავტორი: ექსპრესნიუსი,
epn.ge (@expressnews.ge)
