მიხეილ სააკაშვილი, მის მიერ გავრცელებულ განცხადებაში მიუთითებს მასზე შესაძლო ძალადობის განხორციელების თაობაზე, აქედან გამომდინარე არსებობს თუ არა მის სხეულზე რაიმე დაზიანების ჯანმრთლობის დაზიანების კვალი, საჭიროა ჩატარდეს სამედიცინო ექსპერტიზა. მან ამის ჩატარებაზე გამოთქვა თანხმობა მისივე მოწვეული ექსპერტების მონაწილეობით.- ამის შესახებ სახელმწიფო ინსპექტორის სამსახურის გამომძიებელი გიორგი მიქელაძემ გლდანის მე-18 სასჯელაღსრულების დაწესებულების დატოვების შემდეგ განაცხადა.

მისი თქმით, მათ უკვე მიმართეს პენიტენიცურ დაწესებულებას მიხეილ სააკაშვილის ტრანსპორტირების ამსახველი ვიდეოკამერის ჩანაწერების დაარქივების მოთხოვნით.

"მიხეილ სააკაშვილი, მის მიერ გავრცელებულ განცხადებაში მიუთითებს მასზე შესაძლო ძალადობის განხორციელების თაობაზე, აქედან გამომდინარე არსებობს თუ არა მის სხეულზე რაიმე დაზიანების ჯანმრთლობის დაზიანების კვალი, საჭიროა ჩატარდეს სამედიცინო ექსპერტიზა. მან ამის ჩატარებაზე გამოთქვა თანხმობა მისივე მოწვეული ექსპერტების მონაწილეობით.

რაც შეეხება გამოკითხვას, ეს ვერ მოხერხდა, მოგეხსენებათ, რომ პენიტენციურ დაწესებულებაში 
მოქმედებს გარკვეული შეზღუდვები. კერძოდ გამოკითხვა წარმოებს ბარიერს მიღმა სპეციალური ტელეფონის მეშვეობით და როგორც აღმოჩნდა, მიხეილ სააკაშვილისა და მისი ადვოკატებისთვის მიუღებელია ამ ფორმით გამოკითხვის ჩატარება. ჩვენ ვმუშაობთ გამოკითხვის ჩატარების ალტერნატიულ გზებზე, რის შესახებაც დამატებით გეცნობებათ მაღალი საზოგადოებრივი ინტერესიდან გამომდინარე.

გამოძიება მზად იყო აღნიშნული ფორმითაც ჩაეტარებინა მიხეილ სააკაშვილის გამოკითხვა, რა თქმა უნდა, პირადად შეხვედრა და გამოკითხვა უფრო კომფორტულია, თუმცა, მიუხედავად ამისა, ამ ფორმითაც გამოძიება მზად იყო ჩაეტარებინა გამოკითხვა. 

სახელმწიფო ინსპექტორის სამსახურმა უკვე მიმართა პენიტენიცურ დაწესებულებას მიხეილ სააკაშვილის ტრანსპორტირების ამსახველი ვიდეოკამერის ჩანაწერების დაარქივების მოთხოვნით, რათა სასამართლოს განჩინების საფუძველზე მოხდეს მისი გამოთხოვა შესაბამისი დაწესებულებიდან, - განაცხადა მიქელაძემ.

ავტორი: ექსპრესნიუსი,

სოციალური ქსელები

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად

რამდენიმე კვირაში შსს-ში შეიქმნება სამმართველო მოქალაქეთა ტოტალური კონტროლისთვის

მდინარაძე ამტკიცებს, რომ გამოხატვის თავისუფლების გამო დასჯა, არ არის თავისუფლების შეზღუდვა

რეჟიმი შსს-ში შექმნის სპეციალური სამმართველოს, რომლის ფუნქცია იქნება გამოავლინოს და დასაჯოს ოლიგარქის პარტიის კრიტიკოსები