ჩვენი რეკომენდაცია იქნება, სააკაშვილის სასამართლო პროცესი ჩატარდეს მე-12 დაწესებულებაში, – განაცხადა იუსტიციის მინისტრმა, რატი ბგერაძემ „რუსთავი 2“-ის ეთერში.

იუსტიციის მინისტრის თქმით, ყველაფერი გაკეთდება იმისთვის, რომ მიხეილ სააკაშვილის უსაფრთხოება იყოს დაცული.

„ჩვენ ყველამ ერთად ვიხილეთ სახელმწიფო უსაფრთხოების სამსახურის განცხადება, რომელშიც საუბარი იყო იმაზე, რომ მიხეილ სააკაშვილის დაწესებულებიდან გაყვანის შემთხვევაში, შესაძლო იყო, პროცესისთვის ხელი შეეშალათ და ჩართული იქნებოდა 500-600 ადამიანი. ბუნებრივია, ასევე გვაქვს სხვადასხვა სახის ინფორმაცია.

პრემიერმაც განაცხადა, რომ შესაძლო იყო დაგეგმილიყო ორი ოპოზიციონერის მკვლელობა და უამრავი სხვადასხვა სახის დესტაბილიზაცია, რასაც არ დავუშვებთ. პატიმრის უსაფრთხოება იქნება დაცული.

რაც შეეხება თქვენს შეკითხვას, გაყვანილი იქნება თუ არა ის სასამართლო დარბაზში, გიპასუხებთ – მაქსიმალურად ხელს შევუწყობთ მართლმსაჯულებას, ხელი არ შეეშლება, მაგრამ ჩვენი რეკომენდაცია იქნება, რომ სასამართლო პროცესი ჩატარდეს მე-12 დაწესებულებაში, ყველა საჭირო სამართლებრივ პროცედურას გავყვებით. არსებობს მსგავსი პრაქტიკა, სასამართლო პროცესი ჩატარდეს სხვა ადგილზეც, მკაცრი რეკომენდაცია იქნება, პატიმარი არ იყოს გაყვანილი მე-12 დაწესებულებიდან, მისი უსაფრთხოებიდან გამომდინარე. ჩვენ ვალდებული ვართ, რომ დავიცვათ სააკაშვილი და დავიცვათ მართლწესრიგი“, – განაცხადა რატი ბრეგაძემ.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან