გამითავისუფლეთ ჩემი მძევალი პრეზიდენტი და ის ბიჭები, რომლებიც ჩვენ ხმას იცავდნენ, რომ შეაგდეთ ჯურღმულში.- ამის შესახებ ანზორ მელიამ ოპოზიციის საერთო შეხვედრაზე განაცხადა.

მისი თქმით, იგი აპირებს წალენჯიხაში გახსნას კლინიკა, რათა ხელი შეუწყოს მის განვითარებას.

„მადლობა, რომ მიმიღეთ ზუგდიდელად ამდენი წლის განშორების შემდეგ. მე უბედნიერესი კაცი ვარ, რაც ვნახე ჩემს ზუგდიდში - სიყვარული და პატივისცემა, ჩემსა და ჩემს შვილის მიმართ. სულით და გულით ვიბრძოლებ. მაბრალებენ, რომ სოფლები არ იცისო, ორჯერ შემოვიარე ყველა სოფელი. გაოცებული ვარ თქვენი შრომისმოყვარეობით, ძალისხმევით, მოვლილი კარ-მიდამოთი. 6,5% ვუსწრებდი პირველი ტურის შემდეგ, მაგრამ დავმარცხდი 3,5%-ით, თუმცა, ეს არ იყო არჩევნები, ეს იყო ომი. ხელისუფლება შეკრება კრიმინალებს, „შავ ბიჭებს“ და ყველა ერთად მოქმედებდა. მოპარული არჩევნები, მერის სავარძლის ჩაგდება, რა ვაჟკაცობაა. თანაც, ეს არჩევნები მხოლოდ მერის არჩევნები კი არ იყო, ჩვენი სასიქადულო, საამაყო პრეზიდენტის, მიხეილ სააკაშვილი გათავისუფლების მოთხოვნა იყო.

მინდა, „ოცნების“ ხელმძღვანელებს მივმართოთ, დავუშვათ, ჩაატარეთ დემოკრატიული არჩევნები, მოიგეთ ყველაფერი, მაგრამ დემოკრატიულ ქვეყანას, რაც ეკადრება ისე მოიქეცით - გამითავისუფლეთ ჩემი მძევალი პრეზიდენტი და ის ბიჭები, რომლებიც ჩვენ ხმას იცავდნენ, რომ შეაგდეთ ჯურღმულში. ღარიბაშვილს მივმართავ, რომ გამოდიხარ იქ, რაღაც სამიტზე და თავი მოგწონს ხალხით, თქვენ წინააღმდეგ არის, თქვენს კანონებს არ ვემორჩილებით და არც დავემორჩილებით. ზუგდიდი არის გმირი ხალხის ქალაქი, ის გააკეთებს ყველაფერს. ახლა დრო არ არის, რომელ პარტიას მიეკუთვნება ადამიანი, ახლა მთავარია, რომ გავერთიანდეთ ყველანი, ყველა პარტია, საქართველოა გადასარჩენი. მითხრას მთავრობამ, რომელი დარგი ააყვავა საქართველოში? - ყველა ძირს ვაგდივართ. არ შეიძლება ასე, გეყოფათ რაა! მესამედ არჩევა არ გამიგია არსად. იცოდეთ, რომ ჩვენ ბრძოლას არ დავთმობთ. მე ზუგდიდელი ვარ თავიდან ბოლომდე. არ აქვს ამას მნიშვნელობა, სად ვიცხოვრებთ- თბილისში თუ ზუგდიდში, მაგრამ ახლა ვფიქრობ, წალენჯიხაში ხომ არ გავხსნა კლინიკა, რადგან თავისუფალი კუნძულია და განვითარება უფრო შეიძლება. დაღუპული ვართ, ახალგაზრდები ტოვებენ საქართველოს, მოხუცების ხელში რჩება ქვეყანა და დავიღუპებით“, - განაცხადა ანზორ მელიამ.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან