პენტაგონი საქართველოში აშშ-ის თავდაცვის მდივნის, ლოიდ ოსტინის ვიზიტთან დაკავშირებით ინფორმაციას ავრცელებს.

პენტაგონის პრესსპიკერის, ჯონ კირბის მიერ გავრცელებულ ინფორმაციაში აღნიშნულია, რომ ლოიდ ოსტინმა პრემიერ-მინისტრ ღარიბაშვილთან და თავდაცვის მინისტრ ბურჭულაძესთან შეხვედრებზე რეგიონულ უსაფრთხოებასთან დაკავშირებული საკითხები და რუსეთიდან მომდინარე საფრთხეები განიხილა.

„პრემიერ-მინისტრთან და თავდაცვის მინისტრთან შეხვედრაზე თავდაცვის მდივანმა უსაფრთხოების რეგიონული სიტუაცია განიხილა, კერძოდ, რუსეთიდან მომდინარე საფრთხე საქართველოსა და შავი ზღვის რეგიონის მიმართ. მდივანმა გამოხატა ურყევი მხარდაჭერა საქართველოს სუვერენიტეტისა და ტერიტორიული მთლიანობისადმი. ამასთანავე, მან დაადასტურა დეპარტამენტის ერთგულება, შეინარჩუნოს მჭიდრო ორმხრივი თანამშრომლობა უსაფრთხოების სფეროში და დაეხმაროს საქართველოს, კიდევ უფრო განავითაროს თავდაცვის შესაძლებლობები და ევროატლანტიკური მისწრაფებები. თავდაცვის მდივანმა მადლობა გადაუხადა საქართველოს ავღანეთში უსაფრთხოებისა და სტაბილურობის დამყარებისკენ მიმართულ აშშ-სა და ნატო-ს ძალისხმევაში შეტანილი დიდი წვლილისთვის“, - აღნიშნულია განცხადებაში.

შეგახსენებთ, რომ აშშ-ის თავდაცვის მდივანი, ლოიდ ოსტინი საქართველოში გუშინ იმყოფებოდა. ოფიციალური ვიზიტის ფარგლებში ის საქართველოს პრემიერ-მინისტრ ირაკლი ღარიბაშვილსა და თავდაცვის მინისტრ ჯუანშერ ბურჭულაძეს შეხვდა.

ავტორი: ექსპრესნიუსი,

სოციალური ქსელები

სწრაფი საერთაშორისო გადარიცხვები ბიზნესისთვის - საქართველოს ბანკმა AI-ის დანერგვისთვის Global Finance-ის ჯილდო მიიღო

11-17 ნოემბერს საქართველოს ბანკი და LEAF-ი საერთაშორისო განათლების რეგიონულ ტურს 4 ქალაქში გამართავს

„თეგეტა“ და BTU სტრატეგიულ თანამშრომლობას იწყებენ - ბიზნესისა და ტექნოლოგიების უნივერსიტეტში მემორანდუმი გაფორმდა

გვარამიასა და მოსამართლე ნადარაიას შორის სიტყვიერი დაპირისპირება იყო