საქართველოში ოფიციალური ვიზიტით მყოფმა აშშ-ის თავდაცვის მდივანმა, ლოიდ ოსტინმა საქართველოს თავდაცვის მინისტრს, ჯუანშერ ბურჭულაძეს დახვედრისთვის მადლობა გადაუხადა.

როგორც მან თავდაცვის მინისტრთან ერთობლივ პრესკონფერენციაზე განაცხადა, აშშ-ის მხარდაჭერა საქართველოს ტერიტორიული მთლიანობისა და სუვერენიტეტის მიმართ უცვლელი და მტკიცეა.

ამასთანავე, ლოიდ ოსტინმა საქართველოს თავდაცვისა და შეკავების გაძლიერების ინიციატივაზე ისაუბრა, რომელიც, მისივე თქმით, ამაღელვებელი ფაზაა ორმხრივი უსაფრთხოების თანამშრომლობისთვის ქვეყნებს შორის.

„დავიწყებ მადლობით მინისტრ ბურჭულაძის მიმართ, რომელიც მმასპინძლობს, მადლობა ასეთი თბილი დახვედრისთვის ჩემი პირველი ვიზიტის დროს. აშშ დიდად აფასებს საქართველოს, როგორც მტკიცე სტრატეგიულ პარტნიორს. ჩვენი მხარდაჭერა საქართველოს სუვერენიტეტისა და ტერიტორიული მთლიანობის მიმართ უცვლელი და მტკიცეა. უკვე 3 წელზე მეტია, რაც საქართველოს თავდაცვის მზადყოფნის პროგრამა მსახურობს, როგორც საფუძველი ძალისხმევისთვის, ხელი შეგვეწყო საქართველოს თავდაცვის უნარების ზრდისთვის.

დღეს მაქვს პატივი, თავდაცვის მინისტრთან ერთად, გამოვაცხადოთ საქართველოს თავდაცვისა და შეკავების გაძლიერების ინიციატივა. ეს ინიციატივა იქნება ცენტრალური აშშ-ის თავდაცვის დეპარტამენტისა და მეორე მხრივ, საქართველოს თავდაცვის სამინისტროს ძალებს შორის თანამშრომლობისთვის. ეს აღნიშნავს ამაღელვებელ ახალ ფაზას, ორმხრივი უსაფრთხოების თანამშრომლობისთვის ქვეყნებს შორის“, - განაცხადა ლოიდ ოსტინმა.

ავტორი: ექსპრესნიუსი,

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია