ბელარუსის ყოფილი პრეზიდენტობის კანდიდატი სვეტლანა ტიხანოვსკაია მზად არის, საქართველოს ხელისუფლებასთან განიხილოს რეპრესიებს გამოქცეული ბელარუსის მოქალაქეების უსაფრთხოების საკითხი. აღნიშნულის შესახებ გამოცემა „სოვას“ ტიხანოვსკაიას თანაშემწემ საერთაშორისო ურთიერთობებში, ფრანკ ვიაჩორკამ აცნობა.

მისი თქმით, ბელარუსის ოპოზიცია აპირებს, რომ საქართველოს ხელისუფლებასთან მეგობრული ურთიერთობა დაამყაროს.

„ჩვენ ძალიან გვსურს საქართველოსთან მეგობრული ურთერთობის დამყარება. ორმხრივად და აღმოსავლეთ პარტნიორობის ფარგლებში. სვეტლანა ტიხანოვსკაია დიდი სიამოვნებით შეხვდებოდა საქართველოს მთავრობას და პირველივე შესაძლებლობის შემთხვევაში იხილავდა თანამშრომლობის სურვილს და განიხილავდა სიტუაციას ბელარუსულ ორგანიზაციებთან, რომლებიც მასობრივად გადადიან საქართველოში“, - განუცხადა „სოვას“ ვიაჩორკამ.

ცნობისთვის, ბელარუსის და საქართველოს სახელმწიფო უსაფრთხოების სამსახურის შეთანხმება, რომელსაც მხარეებმა 2016 წელს მოაწერეს ხელი, ამოქმედდა. აღნიშნული შეთანხმება ითვალისწინებს ბელარუსის კგბ-სა და საქართველოს სუს-ს შორის თანამშრომლობას და ურთიერთქმედებას.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ

შეერთებულმა შტატებმა პუტინს თანხმობა სთხოვა უკრაინისთვის ნატოს ქარტიის ფარგლებში უსაფრთხოების გარანტიებზე

საქართველოს ბანკი უკვე 10 წელია ლიდერატორის პროგრამით ახალგაზრდებისთვის დასაქმების შესაძლებლობას ქმნის