იუსტიციის მინისტრი საერთაშორისო ჟურნალ ,,იუსტიციას" აფუძნებს.

რატი ბრეგაძემ იურიდიული და სამეცნიერო გამოცემის პრეზენტაცია დღეს აკადემიური წრეებისა და დიპლომატიურ კორპუსის წარმომადგენლებთან გამართა.

 ჟურნალი ხელს შეუწყობს სამართლის ცალკეული დარგების განვითარებასა და  სამართლებრივ საკითხებზე აკადემიური დისკუსიის გაღრმავებას.

ჟურნალი „იუსტიცია" (ლათ. IUSTITIA) საერთაშორისო რეფერირებადი და რეცენზირებადი გამოცემა იქნება. ის ქართულ და ინგლისურ ენებზე ყოველკვარტალურად გამოვა და ხელმისაწვდომი გახდება როგორც ბეჭდური, ასევე ელექტრონული სახით.

ჟურნალის რედაქტორი და სარედაქციო საბჭოს წევრი იქნება საქართველოს უზენაესი სასამართლოს ყოფილი თავმჯდომარე, ადამიანის უფლებათა ევროპული სასამართლოს ყოფილი მოსამართლე, ამჟამად იუსტიციის მინისტრის მრჩეველი  მინდია უგრეხელიძე. ჟურნალის სარედაქციო პოლიტიკას კი განსაზღვრავს სარედაქციო საბჭო შემდეგი შემადგენლობით: იუსტიციის მინისტრი რატი ბრეგაძე; საკონსტიტუციო სასამართლოს თავმჯდომარე მერაბ ტურავა;

თსუ-ს სრული პროფესორი, იუსტიციის ყოფილი მინისტრი თევდორე ნინიძე; უზენაესი სასამართლოს თავმჯდომარე ნინო ქადაგიძე; საკონსტიტუციო სასამართლოს ყოფილი თავმჯდომარე, იუსტიციის ყოფილი მინისტრი ჯონი ხეცურიანი.

ავტორი: NS (სტატია დაფინანსებულია),

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა