ამერიკის შეერთებული შტატების სენატის საგარეო ურთიერთობათა კომიტეტის წევრი სენატორი ჯიმ რიში აცხადებს, რომ საქართველოს უკუსვლით სულ უფრო და უფრო მეტად იმედგაცრუებულია.

ჯიმ რიშმა წუხილი გამოთქვა 5 ივლისს განვითარებულ მოვლენებთან და ჟურნალისტებზე თავდასხმასთან დაკავშირებით, ასევე უზენაეს სასამართლოში მოსამართლეთა დაჩქარებული წესით დანიშვნაზე.

„საქართველოს უკუსვლით უფრო და უფრო მეტად იმედგაცრუებული ვარ, ბოლო კვირაში 50-ზე მეტი ჟურნალისტი სცემეს და ერთი მათგანი დაზიანებისგან გარდაივალა. 19 აპრილის შეთანხმების საწინააღმდეგოდ დანიშნეს რამდენიმე მოსამართლე. სენატორი შაჰინი ამტკიცებს ჩვენს წუხილს ამ საკითხთან მიმართებაში. ვიმედოვნებ, რომ იმუშავებთ საქართველოს მთავრობასთან ამ საკითხების განსახილველად“, - განაცხადა ჯიმ რიშმა.

ამასთანავე, ჯიმ რიში აცხადებს, რომ საქართველოს პოლიტიკური პარტიები ხშირად ჩადიან ვაშინგტონში და ცდილობენ, რომ სენატორები ჩართონ მათ მხარდაჭერაში.

„მე და კომიტეტის სხვა წევრები რეგულარულად იმედგაცრუებულები ვართ იმით, რაც საქართველოში ხდება. სენატორი შაჰინი და მე საქართველოში 2012 წელს ვიმყოფებოდით, მაშინ როცა ჰქონდათ არჩევნები და გვეგონა, რომ ეს იქნებოდა ახალი დასაწყისი. რეგულარულად იმედგაცრუებული ვართ იმით, რაც საქართველოში ხდება. საქართველოს სხვადასხვა პოლიტიკური პარტიები ჩამოდიან ვაშინგტონში და ცდილობენ, რომ ჩაგვრთონ და მხარი დაგვაჭერინონ მათი პოლიტიკური მანევრებისთვის, რასაც ყველა აკეთებს. ჩვენ განუწყვეტლივ ვუმეორებთ, რომ ეს თავად უნდა გადაყვიტონ, ჩვენ არ ვაპირებთ მხარის არჩევას, თუმცა არ შეინიშნება მათი წინსვლა“, - განაცხადა ჯიმ რიშმა,

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას