ჩვენ ყველა ერთად უნდა გავერთიანდეთ და არ მივცეთ „ქართულ ოცნებას“ საშუალება, რომ გადაუხვიოს ევროპულ გზას, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ ევროპული საბჭოს პრეზიდენტთან, შარლ მიშელთან შეხვედრის შემდეგ, ჟურნალისტებს განუცხადა.

როგორც გიორგი ვაშაძემ განმარტა, ოპოზიციამ შარლ მიშელთან შეხვედრაზე იმსჯელა 19 აპრილის შეთანხმებაზე, ასევე ხაზი გაესვა უზენაეს სასამართლოში მოსამართლეთა დანიშვნას და 5 ივლისს მომხდარ ძალადობას.

მისივე თქმით, ოპოზიციამ შარლ მიშელისგან მიიღო დაპირება, რომ აღნიშნულ საკითხებზე იმსჯელებს ხელისუფლებასთან და დახურულ კარს მიღმა გაცილებით მკაცრი იქნება, ვიდრე საჯარო გამოსვლებში.

„ვერ დავუახლოვდებით ჩვენ ევროკავშირს, თუ საქართველოში გაგრძელდა პროცესი ისე, როგორც ვითარდება. ფაქტობრივად, საჯარო გამოსვლებში, „ქართული ოცნების“ ლიდერები, ანტიდასავლური პროპაგანდის თანამონაწილეები არიან. შარლ მიშელის შეთანხმების შესრულება, რა თქმა უნდა, არ უნდა „ქართულ ოცნებას“, მაგრამ დღეს მივიღეთ გარანტია იმის, რომ სრული მხარდაჭერა გვექნება ევროკავშირის მხრიდან, რომ შარლ მიშელის დოკუმენტი შესრულდება, მათ შორის, მართლსაჯულების კუთხით. რა თქმა უნდა, ვისაუბრეთ 5 ივლისის ძალადობის ფაქტებზე და კონკრეტულად ვუთხარით, რომ პოლიციამ არა თუ ვერ, არ დაიცვა ჟურნალისტები, საქართველოს მოქალაქეები. მეტიც, კორიდორებს უკეთებდა მოძალადე ჯუფებს იმისთვის, რომ თავს დასხმოდა კონკრეტულ ადამიანებს, ამიტომ ყველა ეს კომპონენტი აჩვენებს ჯამურად, რომ ჩვენ ყველა ერთად უნდა გავერთიანდეთ და არ მივცეთ „ქართულ ოცნებას“ საშუალება, რომ გადაუხვიოს ევროპულ გზას. მიშელმა თქვა, რომ ამ საკითხებზე ისაუბრებს ხელისუფლებასთან და გაცილებით მკაცრი იქნება მისი საუბარი დახურულ კარს მიღმა, ვიდრე საჯაროდ“, - განაცხადა გიორგი ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას