მიშელის შეთანხმებას ამერიკული და ევროპული ბეჭედი ადევს, თუ ამ ბეჭედს თავზე გადაუვლით, მძიმე დღე დაგიდგებათ თქვენს პარტიასთან ერთად, - ასე ეხმაურება „სტრატეგია აღმაშენებლის“ ლიდერი, გიორგი ვაშაძე ამერიკის სახელმწიფო დეპარტამენტის განცხადებას, რომლის თანახმად, მმართველი გუნდი შარლ მიშელის დოკუმენტში გათვალისწინებულ შეთანხმებას არღვევას, რაც ერთგვარი წინაპირობა იქნება სანქციების დაწესების.

როგორც ვაშაძემ აღნიშნა, შეთანხმების მესამე ნაწილი სწორედ მართლმსაჯულებას ეხება, რომლის დარღვევის გამო „ქართული ოცნება“ სიურპრიზად სანქციებს მიიღებს.

„მივმართავ ირაკლი კობახიძეს, შარლ მიშელის მესამე ნაწილი მართლმსაჯულებას ეხება. თქვენ გინდათ, რომ ეს ყოველთვის უკუღმართად წაიკითხოთ და ისე განმარტოთ, როგორც გჩვევიათ. დღეს, ამერიკის სახელმწიფო დეპარტამენტის ხელმძღვანელმა 19 აპრილის შეთანხმების კონკრეტულ შინაარსზე მიგითითათ. პირდაპირ გეუბნებით, თუ თქვენ კვლავ გააგრძელებთ შეთანხმების დარღვევას, თქვენ გელოდებათ სანქციები როგორც მაკროფინანსურ დახმარებაზე, ასევე პერსონალური.

დამერწმუნეთ, ამ შეთანხმების მთავარი ღირებულებაა, რომ ჩემი ხელმოწერაც არის, სხვა ოპოზიციური პარტიებისაც და რაც მთავარია, ამაზე ამერიკული და ევროპული ბეჭედი ადევს. თუ ამ ბეჭედს თავზე გადაუვლით, თქვენ ძალიან მძიმე დღე დაგიდგებათ თქვენს პარტიასთან ერთად – ახლა დაბრძანდით, თქვენს პოლიტსაბჭოსთან და მამარჩენალებთან ერთად და მოიფიქრეთ, როგორ აირიდებთ თქვენ პერსონალურ სანქციებს და როგორ აარიდებთ სახელმწიფოს. ამას თუ არ გააკეთებთ, ძალიან, ზე ძალიან მძიმე დღე გელოდებათ ამ ისტორიული დოკუმენტის დარარვევისთვის. სწორედ ამაშია შარლ მიშელის შეთანხმების ფასი. თუ შეთანხმებას გადაუვლით, შეთანხმების ინტერპრირებას დაიწყებთ, ძალიან ცუდი დღე დაგადგებათ. ევროკავშირმა განაცხადა, რომ მაკროფინანსურ დახმარებაზე იქნება წინაპირობები? – ეს არის 75 მილიონი ევროს მიღებაზე საუბარი. სახელმწიფო მდივნის სპიკერმა განაცხადა, რომ სანქციებზე წინასწარ არ ვლაპარაკობთ, პირდაპირ სიურპრიზად გამოგიცხადებთო? სენატის რეზოლუციაში არის მითითებული, რომ თუ შეთანხმება დაირღვევა, მაშინ ამერიკიდან ფინანსურ დახმარებას საქართველო ვერ მიიღებს? ესეც არ ეყოფათ, პირდაპირ პერსონალურ სანქციებზე გადავლენ. ოპოზიციიდან ვიღაცეები რომ გვინტკიცებენ, დოკუმენტს ხელი რატომ მოაწერეთო, იცით, რატომ მოვაწერეთ ხელი? – ბლინკენს ეს განცხადება რომ გაეკეთებინა და ევროკავშირს ეთქვა, მაკროფინანსურ დახმარებაზე სანქციებს გავაკეთებთო“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

პატიმრებისა და პრობაციონერების ჯამური მაჩვენებლით 2025 წელს საქართველო ევროპაში პირველ ადგილს იკავებდა - რეჟიმის პირობებში 2026 წელს მონაცემები დრამატულად იზრდება

კრემლმა სომხეთის არჩევნების წინ ფაშინიანის წინააღმდეგ საინფორმაციო კამპანია დაიწყო - The Insider

პენტაგონი ირანში სახმელეთო შეჭრის ალბათობას უშვებს

უკრაინულმა დრონებმა სტავროპოლის ოლქში ქიმიურ ქარხანას და რუსეთის ერთ-ერთ უდიდეს ნავთობგადამამუშავებელ ქარხანას დაარტყა