საქართველოს მთავრობის გადაწყვეტილებით, 15 ივნისიდან სარკინიგზო-სამგზავრო მიმოსვლა აღდგა.

როგორც „ექსპრესნიუსს“ ფინანსთა სამინისტროს შემოსავლების სამსახურიდან აცნობეს, COVID-19-ის პანდემიით გამოწვეული შეზღუდვების შემსუბუქების შემდეგ, პირველმა მატარებელმა, ერევანი-თბილისი-ბათუმი საქართველოს ტერიტორიაზე 80 მგზავრი შემოიყვანა.

„სამგზავრო მატარებელს ფინანსთა სამინისტროს შემოსავლების სამსახურის საბაჟო დეპარტამენტის ხელმძღვანელი ზურაბ სიჭინავა დახვდა და საბაჟო ფორმალობების მიმდინარეობის პროცესს ადგილზე დაესწრო.

ვიზიტორთა დროული და კომფორტული მგზავრობის მიზნით, მატარებლის შეუფერხებლად გადაადგილებისთვის, მებაჟე ოფიცრების მიერ, მგზავრებისა და მათი ბარგის მიმართ, როგორც საქონლის შემოტანასთან/გატანასთან, ასევე დეკლარირებასთან დაკავშირებული საბაჟო კონტროლის პროცედურები მოძრაობის დაყოვნების გარეშე - ს.გ.პ. "სადახლო სარკინიგზოდან“ თბილისის რკინიგზის სადგურამდე განხორციელდება.

საბაჟო ზედამხედველობებისა და კონტროლის პროცედურების შეუფერხებელი განხორციელება მგზავრთა დროის მაქსიმალურად დაზოგვასა და მომსახურების ეფექტიანობის ამაღლებას ემსახურება“, - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა