არასამთავრობოებს გაუწიეს ანგარიში, ბევრი ხმაური რომ არ აეტეხათ, - ასე ეხმაურება საქართველოს საპატრიარქოს იურისტი ედიშერ ქარჩავა სასამართლოს დროებით განკარგულებას, რომლის მიხედვითაც, ნინოწმინდის პანსიონი ბავშვების ნაწილმა უნდა დატოვოს.

მისივე თქმით, ეს იყო ნაჩქარევი გადაწყვეტილება და შესაბამის დასკვნებს უნდა დალოდებოდნენ.

 „ჩვენ მათ შეფასებას უნდა დავლოდებოდით, და შემდგომ მიგვეღო გადაწყვეტილება. ამიტომაც მიგვაჩნია, რომ ეს იყო ცალმხრივად, ნაჩქარევად მიღებული წინასწარი დროებითი ღონისძიება, ანუ უზრუნველყოფის ღონისძიება იმ შშმ პირების გაყვანასთან დაკავშირებით.

ჯერ შეესწავლათ კომპეტენტურ ორგანოებს, დაედოთ შესაბამისი დასკვნები და მიღებულიყო გადაწყვეტილება, ვინაიდან დაუყოვნებლივ გაყვანის აუცილებლობა თუ დადგებოდა, თვითონ სახელმწიფო სტრუქტურა მიიღებდა ამის შესახებ გადაწყვეტილებას.

მიმაჩნია, რომ ეს იყო უბრალოდ არასამთავრობო ორგანიზაციებისთვის რაღაც ანგარიშის გაწევა ცალმხრივად, იმისათვის, რომ მათ ბევრი ხმაური არ აეტეხათ“, - აცხადებს ედიშერ ქარჩავა ტელეკომპანია „იმედთან“ სატელეფონო ინტერვიუში.

შეგახსენებთ, რომ ჯანდაცვის სამინისტროს ინფორმაციით, ნინოწმინდის ბავშვთა პანსიონიდან სახელმწიფო ზრუნვის სააგენტომ 11 ბავშვი გაიყვანა, მათ შორის 1 შეზღუდული შესაძლებლობების მქონე.

ავტორი: ექსპრესნიუსი,

სოციალური ქსელები

გერმანიის შეიარაღებული ძალების მეთაური: რუსეთმა შესაძლოა ნატოს 2029 წელს შეუტიოს

ჰელსინკის აეროპორტის ფუნქციონირება დრონის გამო შეჩერდა

საუდის არაბეთმა ირანსა და ახლო აღმოსავლეთის ქვეყნებს შორის თავდაუსხმელობის შესახებ პაქტის გაფორმების წინადადება წამოაყენა - Financial Times

უკრაინულმა დრონები რუსეთის ერთ-ერთ უდიდეს ნავთობგადამამუშავებელ ქარხანას თავს დაესხნენ, სამი ადამიანი დაიღუპა.