2021-05-15 15:14:50, 567 ნახვა

---

გია ვოლსკი „ნაცმოძრაობაზე“ - ქუჩიდან ვერ მოახერხეს დესტრუქცია და შეიძლება, პარლამენტში საბოტაჟის რეჟიმი ჩამოაყალიბონ

„ნაციონალურმა მოძრაობამ“ ქუჩიდან ვერ მოახერხა დესტრუქცია, ახლა შეიძლება გაუჩნდეთ სურვილი, რომ პარლამენტში მუდმივად საბოტაჟის რეჟიმი ჩამოაყალიბონ, - ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.

როგორც მან აღნიშნა, „ნაციონალურმა მოძრაობამ“ სტრატეგია უნდა შეცვალოს და დესტრუქციიდან საქმეზე გადავიდეს.

„ყველაზე დიდი ოპოზიციური პარტიაა, მცირე თუ საშუალო, „ნაცმოძრაობა“ არის „ნაცმოძრაობა“ და აქვს გარკვეული სტრატეგია. თუ ამ სტრატეგიას შეცვლიან, მნიშვნელოვანწილად უნდა შეცვალონ და დესტრუქციიდან საქმეზე გადავიდნენ.

პარლამენტი არ უნდა იყოს გამოყენებული დესტრუქცისთვის. ქუჩიდან ვერ მოახერხეს დესტრუქცია და შეიძლება გაუჩნდეთ სურვილი, რომ პარლამენტის შიგნით საბოტაჟის რეჟიმი ჩამოაყალიბონ, რაშიც კარგად არიან გაწაფულები“, - განაცხადა გია ვოლსკიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი