ვენეციის კომისია აქვეყნებს დასკვნას და მიესალმება „საერთო სასამართლოების შესახებ“ საქართველოს ორგანულ კანონში შეტანილ ცვილებებს, რომლებიც მის მიერ გაცემულ რეკომენაციებს ითვალისწინებს.

დასკვნაში აღნიშნულია, რომ მიუხედავად გარკვეული რეკომენდაციების გათვალისწინებისა, მნიშვნელოვანია, რომ კანონმდებლობა იყოს კიდევ უფრო მეტად ცხადი, ასევე გამჭვირვალე, რათა უზრუნველყოფილი იყოს ყველა კანდიდატის მიმართ სამართლიანი მოპყრობა.

რაც შეეხება შერჩეულ სიას და კენჭისყრას, ვენეციის კომისია მიესალმება ცვლილებებს, რომელის მიხედვითაც კანდიდატთა თანაბარი მოპყრობის პრინციპია, მხოლოდ საუკეთესო შედეგის მქონდე კანდიდატების შერჩევა და იუსტიციის უმაღლესი საბჭოს ხმის მიმცემი წევრების ვინაობის გასაჯაროვება.

„ხმის მიცემა, როგორც ასეთი, არასრულყოფილი მექანიზმია, რადგან ძნელია დამსახურებაზე დაფუძნებული დანიშვნის დაფუძნება კენჭისყრის პროცედურაზე. ვენეციის კომისია აღნიშნავს, რომ ახლა გასაჩივრების პროცესთან ერთად შემოთავაზებული გამჭივრვალობის დონე, გარკვეულწილად ამ საკითხს უნდა დაეხმაროს“, - აღნიშნულია დასკვნაში.

გარდა ამისა, გასაჩივრების მექანიზმზე ვენეციის კომისია წერ, რომ მიესალმება იუსტიციის უმაღლესი საბჭოს გადაწყვეტილებებს, რომლებიც ახლა ღიაა უზენაესი სასამართლოს საკვალიფიკაციო პალატაში შემდგომი გასაჩივრებითვის.

„ამასთან, ვენეციის კომისია იმეორებს ანდრინდელ რეკომენდაციას განხილული იქნას ცვლილებების შეტანა იუსტიციის უმაღლესი საბჭოს შემადგენლობაში, რომელიც მიიღებს ახალ (მეორე) გადაწყვეტილებას იმავე კანდიდატზე უზენაესი სასამართლოს პალატაში გასაჩივრების შემდეგ. ამასთანავე, დანიშვნის პროცედურა უნდა შეჩერდეს, სანამ პალატა მიიღებს გააწყვეტილებას“, - წერია დასკვნაში და აღნიშნულია, რომ ამ რეკომენდაციებს ვენეციის კომისია გასაჩივრების მნიშვნელოვანი უფლებების უზრუნველსაყოფად გასცემს.

ვენეციის კომისიის რეკომენდაციით, კანდიდატებთან თანაბარი მოპყრობის უზრუნველსაყოფად შეიძლება შერჩევის პროცედურის განახლება.

„დასვკნა მოითხოვა 2021 წლის 8 აპრილს საქართველოს პარლამენტის სპიკერმა, გია ვოლსკიმ. ის მომზადდა სწრაფი რეაგირების მექანიზმის ფარგლებში, დაფინანსებულია ევროკავშირისა და ევროსაბჭოს მიერ და განხორციელდა ევროსაბჭოს მიერ „პარტნიორობის კარგი მმართველობისთვის“ მეორე ეტაპზე“, - აღნიშნულია დასკვნაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%