2021-04-23 13:38:48, 645 ნახვა
საზოგადოება
ეკატერინე ტიკარაძის განცხადებით, კოვიდსამკურნალო დაწესებულებებს ორშაბათიდან 1 000 საწოლი დაემატება
ჯანდაცვის მინისტრის, ეკატერინე ტიკარაძის განცხადებით, ორშაბათიდან კლინიკებში დამატებით ათასი საწოლი იქნება.
მისი თქმით, დღეის მდგომარეობით კოვიდდაწესებულებებში 5 500 საწოლია მობილიზებული.
„ორი დღის წინ გამოიცა დამატებით ბრძანება, რომელიც ითვალისწინებს ათასი საწოლის დამატებას. აქედან გამომდინარე ორშაბათიდან ჩვენ გვექნება 6 500 საწოლი. დღეის მდგომარეობით, მკურნალობას გადის 3 600-მდე პაციენტი, მობილიზებულია 5 500 საწოლი, აქედან გამომდინარე, საწოლების დეფიციტი არ არის“, - განაცხადა ეკატერინე ტიკარაძემ.
ავტორი: ექსპრესნიუსი,
epn.ge (@expressnews.ge)
