თბილისის სატრანსპორტო კომპანიის განცხადებით, ავტობუსებზე განთავსებული საინფორმაციო ტაბლოები ტექნიკური ხარვეზის გამო გამორთულია

2021-04-14 11:32:25, 572 ნახვა

საზოგადოება

თბილისის მუნიციპალურ ავტობუსებზე განთავსებული საინფორმაციო ტაბლოები ტექნიკური ხარვეზის გამო გამორთულია.

აღნიშნულის შესახებ განცხადებას თბილისის სატრანსპორტო კომპანია ავრცელებს.

„თბილისის მუნიციპალურ ავტობუსებზე განთავსებულ საინფორმაციო ტაბლოებზე, რომლებზეც ავტობუსის მარშრუტის ნომრებია ასახული, ტექნიკური ხარვეზი დაფიქსირდა. აღნიშნული ხარვეზის გამო, ტაბლოები არის გამორთული.

სატრანსპორტო კომპანიის შესაბამისი სამსახურების, ასევე, კონტრაქტორი კომპანიის წარმომადგენლები, რომელიც ავტობუსების ტაბლოების პროგრამულ უზრუნველყოფას ახორციელებენ,ხარვეზის დროულად აღმოსაფხვრელად მუშაობენ.

თბილისის სატრანსპორტო კომპანია ბოდიშს გიხდით შექმნილი დისკომფორტისთვის!“, - ნათქვამია უწყების განცხადებაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),