პოლიტიკური კრიზისის გადაჭრა მნიშვნელოვანია, ვიმედოვნებთ, დანიელსონის დოკუმენტს ყველა პარტია კონსტრუქციულად განიხილავს, - ამის შესახებ საქართველოში საფრანგეთის ელჩმა, დიეგო კოლასმა ჟურნალისტებთან საუბრისას განაცხადა.

ელჩმა აღნიშნავს, რომ ფინალური ნაბიჯების გადადგმა ყოველთვის რთულია, თუმცა ეს აუცილებელია, რათა მოხდეს შეთანხმება.

 „იმედი გვაქვს, რომ მოლაპარაკებებს ექნებათ წინსვლა საკითხის გადაჭრისკენ. ვფიქრობ ეს მნიშვნელოვანია, რადგან საქართველოში უამრავი კრიზისი და გამოწვევაა. ეს არის ჯანდაცვის, ეკონომიკური, არასტაბილური რეგიონი, ამიტომ ქვეყნის მთელი ენერგია უნდა დაეთმოს ამ გამოწვევების გამკლავებას. პოლიტიკური კრიზისის გადაჭრა მნიშვნელოვანია. ბატონმა დანიელსონმა შეთავაზებები წარადგინა მოლაპარაკების მაგიდაზე, ჩვენ ვიმედოვნებთ, რომ მათ ყველა პარტია კონსტრუქციულად განიხილავს და გადადგამს საბოლოო ნაბიჯებს. ფინალური ნაბიჯების გადადგმა ყოველთვის ყველაზე რთულია, თუმცა ეს ნაბიჯები უნდა გადაიდგას შეთანხმებისკენ. ამ შეთავაზების საფუძველზე უნდა გადაიდგას შემდგომი ნაბიჯი და დაიწყოს ახალი თავი, რაც დადებითი იქნება საქართველოსთვის“, - განაცხადა ელჩმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა