2021-04-07 17:43:56, 716 ნახვა
საზოგადოება
მაშველებმა ოკუპირებული გალიდან ზუგდიდში წამოსული მეოთხე პირის ცხედარი იპოვეს
ოკუპირებული გალიდან ზუგდიდში წამოსული მეოთხე პირის ცხედარი იპოვეს.
ამის შესახებ ინფორმაცია „ექსპრესნიუსს“ სახელმწიფო უსაფრთხოების სამსახურში დაუდასტურეს.
მათივე ცნობით, ცხედარი საოკუპაციო ხაზთან მდებარე სოფელ ორსანტიაში, მდინარე ენგურში იპოვეს.
შეგახსენებთ, რომ მანამდე მაშველებმა მდინარე ენგურში სამი პირის ცხედარი იპოვეს, ხოლო ერთის სამძებრო სამუშაოები ამ დრომდე გრძელდებოდა. არსებული ინფორმაციით, მოქალაქეები ოკუპირებული გალიდან საქართველოს ცენტრალური ხელისუფლების მიერ კონტროლირებად ტერიტორიაზე გადმოსვლას მდინარის გადმოცურვით ცდილობდნენ.
შინაგან საქმეთა სამინისტროს ცნობით, გამოძიება სისხლის სამართლის კოდექსის 143-ე და 115-ე მუხლით მიმდინარეობს.
ავტორი: ექსპრესნიუსი,
epn.ge (@expressnews.ge)
