„ჩვენ, „სტრატეგია აღმაშენებელს“, რომ გვებაროს ქვეყნის მართვა, უკვე დიდი ხანი გადაწყვეტილი იქნებოდა ყველაფერი, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ კრისტიან დანიელსონთან შეხვედრამდე, ჟურნალისტებს განუცხადა.

გიორგი ვაშაძემ იმედი გამოთქვა, რომ მიიღწევა ისეთი შეთანხმება, რომელიც გარკვეულწილად მისაღები იქნება, როგორც მმართველი გუნდისთვის, ასევე ოპოზიციისთვის.

„მე ვფიქრობ, რომ ახლა იმაზე არ არის საუბარი, რას დათანხმდება „ქართული ოცნება“ ან ოპოზიცია, გვესმის, რომ ჩვენ შორის ფუნდამენტურად განსხვავდება პოზიცია, იმედი მაქვს, რომ იქნება ისეთი შემოთავზება, რომელიც გარკვეულწილად მისაღები იქნება ორივე მხარისთვის.  ჩემთვის პრინციპულია, რომ ყველა, 5-ვე საკითხი იყოს ამ დოკუმენტში, პირდაპირ ვამბობ, რომ პატიმრები უნდა გათავისუფლდნენ და რიგგარეშე არჩევნებამდე მისასვლელი გზა დავინახოთ. ჩემი აზრით, აქ არაფერი ახალი არ არის, ხელისუფლებას გაცილებით მეტი პასუხისმგებლობა აქვს, რომ შეთახმება შედგეს, ჩვენ, „სტრატეგია აღმაშენებელს“ რომ გვებაროს ქვეყნის მართვა, დიდი ხანი უკვე გადაწყვეტილი იქნებოდა ყველაფერი“, - განაცხადა გიორგი ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა

ზურაბიშვილი: არ უნდა გავჩერდეთ და 26 მაისს ძალიან ბევრი ხალხი უნდა გამოვიდეს

ზურაბიშვილი არ გამორიცხავს, რომ ივანიშვილს საფრანგეთის მოქალაქეობა ჩამოართვან