„ზოგი საქეიფოდ არის და ზოგი უქეიფოდ, ეს არის პრობლემა, ბევრად მეტი ხალხი უნდა გამოდიოდეს“, - ამის შესახებ პარტია „გირჩი მეტი თავისუფლების“ ლიდერმა ზურა ჯაფარიძემ მთავრობის კანცელარიასთან გამართულ აქციაზე განაცხადა.

მან ასევე აღნიშნა, რომ აქციაზე მოსული ადამიანების რაოდენობით ხელისუფლება გიაგებს, რომ ქვეყანაში გაბრაზებული ხალხია, თუმცა ეს მათ უკან არ დაახევინებს.

„დღეს საკმარისი რაოდენობა იმისთვის, რომ გაიგონ, რომ ამ ქვეყანაში არის გაბრაზებული ხალხი, მაგრამ რაოდენობა არაა საკმარისი, რომ ხელისუფლებამ უკან დაიხიოს და შეზღუდვები მოხსნას.

ბევრად მეტი ადამიანი უნდა იყოს აქ, გაცილებით მეტი. ბევრად მეტი ადმიანია ამ შეზღუდვებით გამწარებული, მაგრამ ან მოსვლას ვერ ახერხებენ, ან არ თვლიან რომ ამ ფორმით უნდა გააპროტესტონ, ზოგს პარტიებთან ერთად დადგომა არ უნდა, ზოგს სცივა, ზოგი საქეიფოთ არის და ზოგი უქეიფოდ. ეს არის პრობლემა, ბევრად მეტი ხალხი უნდა გამოდიოდეს თუ მართლა გვინდა, რომ ხელისფულებამ ეს შეზღუდვები მოხსნას.

თუ შეზღუდვები არ მოიხსნება, ეს დაარტყამს ყველას, არამარტო იმ ადამიანებს, ვინც დღეს არის შემოსავლის გარეშე, არამედ ყველას“, - განაცხადა ზურა ჯაფარიძემ.

ავტორი: ექსპრესნიუსი,

სოციალური ქსელები

საკონსტიტუციო სასამართლოს წინ ხალხი იკრიბება, ადგილზე მობილიზებულია პოლიცია

Porsche Mission S - სპორტული ავტომობილის ახლებური გააზრება

ქვეყნის მასშტაბით სამართალდამცველებმა ნარკოდანაშაულის ბრალდებით 142 პირი დააკავეს, მათ შორის ნარკორეალიზაციაში სხვადასხვა ფორმით ჩართული 62 პირია

აქტივისტმა თამარ ლორთქიფანიძემ საპატიმრო დატოვა