მეუფე ნიკოლოზი - ნაკურთხი წყალი სახლში წაიღეთ, ასხურეთ, დალიეთ და ავადმყოფობა არ მოგეკარებათ

2021-01-19 15:46:22, 674 ნახვა

კომენტარი

„დღევანდელი ნაკურთხი წყალი წაიღეთ ხალხო სახლში, ასხურეთ დალიეთ და არ მოგეკარებათ ავადმყოფობა თუ გჯერათ“, - ამის შესახებ ახალქალაქის, კუმურდოსა და კარის მიტროპოლიტი, მეუფე ნიკოლოზი აცხადებს.

როგორც ის აღნიშნავს, უნდა დავიცადოთ სანამ ქვეყანაში ვაქცინა იქნება და შემდეგ უნდა დავსვათ კითხვები ამასთან დაკავშირებით.

„მინდა მოგიწოდოთ ყველას, ნუ აყვებით ჭორებს, დავიცადოთ სანამ ვაქცინა იქნება. ეს ვაქცინა ფიზიკურად არ არის ჯერ, ჩვენამდე არ მოუღწევია, რომ მოაღწევს და დადგება საკითხი გავიკეთოთ თუ არა გავიკეთოთ, მაშინ დავსვათ ის კითხვები, რაც გვაინტერესებს, დავუსვათ კითხვები ექიმებს. ყოველ წუთას რაღაც იცვლება, თავად დაავადებაც. დღევანდელი ნაკურთხი წყალი წაიღეთ ხალხო სახლში, ასხურეთ დალიეთ და არ მოგეკარებათ ავადმყოფობა თუ გჯერათ“, - განაცხადა მეუფე ნიკოლოზმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან