„თუ ვინმეს რევოლუცია უნდა, მე თანახმა ვარ“, - ამის შესახებ პარტია „გირჩის“ ლიდერმა იაგო ხვიჩიამ ტელეკომპანია „პირველის“ ეთერში განაცხადა.

მან ასევე აღნიშნა, რომ ეძებდა ოპოზიციაში ხალხს, ვიცნ რევოლუციას მოაწყობდა, თუმცა ვერავინ იპოვა.

„ვიძახდი, რომ თუ ვინმე რევოლუციას აპირებთ, მე ვარ რევოლუციონერი.

ვეძებდი და ვერავინ ვერ ვიპოვე, ვინც რევოლუციის მომწყობი იყო. სხვათაშორის, ვაშაძესთანაც რომ ვიყავით, რომ ვიყავით ბადრი ჯაფარიძესთან, რომ ვიყავით ნაციონალურ მოძრაობასთან, პირველი კითხვა იცით რა იყო? ხალხო, თუ რევოლუციას აწყობთ, აგერ არის სანდრო რაქვიაშვილი, რევოლუციების სპეციალისტი, რომელმაც იცის ყველა რევოლუცია როგორ ხდება ამ სამყაროში.

ალეკო ელისაშვილმა რომ თქვა, ლელოს უნდოდა და რევოლუციაზე საუბრობდაო, თავი იგრძნეს შეურაცხყოფილად, მე არ ვგრძნობ თავს შეურაცხყოფილად, ვინმემ რომ მითხრას, აგერ, ძმაო, მოდი, რევოლუცია მოვაწყოთო, მე არამგონია, რომ ეს შეურაცხყოფაა, უბრალოდ, რევოლუციას ჭირდება ერთი ადგილი და ეს ასე არ ხდება ჰაერში.

თუ ეს ადგილი გაქვს, მე თანახმა ვარ, წავიდეთ რევოლუციაზე“, - განაცხადა იაგო ხვიჩიამ.

ავტორი: ექსპრესნიუსი,

სოციალური ქსელები

თიბისი კაპიტალი საქმიანობას თიბისი ბანკის სტრუქტურაში გააგრძელებს

ნაციონალური მოძრაობა საკონსტიტუციო სასამართლოს მოსამართლეთა კოლეგიის აცილებას ითხოვს

საკონსტიტუციო სასამართლოში პროდასავლური ოპოზიციური პარტიების აკრძალვის პროცესი დაიწყო

საკონსტიტუციო სასამართლოს წინ ხალხი იკრიბება, ადგილზე მობილიზებულია პოლიცია