გიგი უგულავა - ნავალნის მეფე კლავდა და ღმერთმა გადაარჩინა

2021-01-18 16:25:10, 617 ნახვა

კომენტარი

„ევროპული საქართველოს“ ერთ-ერთმა ლიდერმა, გიგი უგულავამ „ტვ. პირველის“ ეთერში რუსი ოპოზიციონერის, ალექსეი ნავალნის დაკავების შესახებ ისაუბრა.

როგორც ის აცხადებს, ნავალნი არის ადამიანი, რომელსაც მეფე კლავდა და ღმერთმა გადაარჩინა. მისი თქმით, ნავალნიმ რუსეთში დაბრუნებით ხელისუფლებას სილა გააწნა.

„ნავალნი არის ადამიანი, რომელსაც მეფე კლავდა და ღმერთმა გადაარჩინა. მან იმოგზაურა მიღმურ სამყაროში პრაქტიკულად და ჩვენ ვნახეთ, რომ იღბალმა და გერმანელმა ექიმებმა გადაარჩინეს. ამიტომ დღევანდელი დაბრუნება შეიძლება არც ყოფილიყო აუცილებელი რადგან მას გარედანაც შეეძლო საკმაოდ დიდი ავტორიტეტი ჰქონოდა. იმის გამო რომ შენ მეფე გკლავს და არ კვდები, უკვე ძლიერ პოლიტიკოსად გიყურებს ხალხი და როდესაც დაბრუნების გადაწყვეტილება მიიღო,ეს რუსეთისთვის ხელის გაწვნასა და ხელთათმანის სროლას ნიშნავს“, - განაცხადა უგულავამ „ტვ. პირველთან".

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან