აგვისტოს ომიდან 12 წლის თავზე, ევროპარლამენტის საგარეო ურთიერთობათა კომიტეტი თავმჯდომარე დევიდ მაკალისტერი, სამხრეთ კავკასიაში ურთიერთობათა დელეგაციის თავმჯდომარე მარინა კალიურანდი და საქართველოზე ევროპარლამენტის მომსხენებელი სვენ მიქსერი ერთობლივ განცხადებას ავრცელებენ.

როგორც განცხადებაშია აღნიშნული, დღეს როდესაც საქართველო-რუსეთის ომიდან 12 წელი გავიდა, ქვეყანაში კვლავ იგრძნობა ომის შედეგები.

„ქვეყნის ტერიტორიების ერთი მეხუთედი არის ოკუპირებული, ასობით ადამიანს ისევ და ისევ არ შეუძლია რომ დაბრუნდეს საკუთარ სახლში, აწყდება შეზღუდვებს მათ ფუნდამენტურ უფლებებსა და თავისუფლებასთან დაკავშირებით. საქართველო კვლავ სამიზნეა რუსული ჰიბრიდული აქტივობების, ისეთების, როგორიც არის დეზინფორმაციული კამპანიები და კიბერშეტევები. მიუხედავად ამისა, ამ შოკისმომგვრელმა მოვლენამ მხოლოდ გააძლიერა საქართველოს გადაწყვეტილება ინტეგრაციის კუთხით“, - აღნიშნულია განცხადებაში.

ამასთანავე განცხადებაში აღნიშნულია, რომ საქართველომ მტკიცედ დაიმკვიდრა თავი, როგორც სანდო მოკავშირემ და მნიშველოვანმა პარტნიორმა ევროკავშირის აღმოსავლეთ პარტნიორობაში.

ევროპარლამენტარები მოუწოდებენ რუსეთს კონფლიქტის მშვიდობიანად გადაჭრისკენ, მათ შორის, ევროკავშირის შუამავლობით მიღწეული 2008 წლის 12 აგვისტოს ცეცხლის შეწყეტის შეთანხმების სრული იმპლემენტაციისა და ჟენევის მოლაპარაკებების გაგრძელებისკენ.

როგორც განცხადებაში წერია, მიუხედავად აფხაზეთისა და ცხინვალის/სამხრეთ ოსეთის დე ფაქტო ხელისუფლებაზე დაწესებული კონტროლისა, რუსეთის ფედერაციამ უნდა შეასრულოს საერთაშორისო ვალდებულებები და ევროკავშირის მონიტორინგის მისიამ მიანიჭოს შეუფერხებელი წვდომა ოკუპირებულ რეგიონებში.

ამასთანავე, მათი მოთხოვნაა შეწყდეს გაშმაგებული ე.წ ბორდერიზაციის პროცესი, დასრულდეს ადამიანის უფლებების სისტემტური დარღვევები რეგიონებში. ასევე, უზრუნვეყოფილ იქნას იძულებით გადადგილებულ პირთა უსაფრთხო და ღირსეული დაბრუნება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი