ოქტომბრის საპარლამენტო არჩევნები მნიშვნელოვანია იმიტომ, რომ დღეს საქართველო არის მდიდარი მთავრობის ღარიბი ქვეყანა, - ამის შესახებ „ევროპული საქართველოს“ ლიდერმა დავით ბაქრაძემ რეგიონებში მაჟორიტარობის კანდიდატების წარდგენისას განაცხადა.

მისივე თქმით, „ევროპული საქართველოს“ დაპირებები შეიძლება სამი სიტყვით შეჯამდეს: კეთილდღეობა, დაცულობა და დასავლეთთან ინტეგრაცია.

„ოქტომბრის საპარლამენტო არჩევნები მნიშვნელოვანია იმიტომ, რომ დღეს საქართველო არის მდიდარი მთავრობის ღარიბი ქვეყანა. საქართველოს დღეს მართავს ოლიგარქი, რომელსაც არ აწუხებს ხალხის გაჭირვება. ქვეყანას დღეს მართავს მთავრობა, რომელიც ბიუჯეტიდან წლიდან წლამდე უფრო მეტს ხარჯავს საკუთარ კომფორტსა და ფუფუნებაზე. საქართველოს დღეს მართავს ხელისუფლება, რომელიც ჩაძირულია ნეპოტიზმში, კორუფციაში, წილებსა ატკატებში. დიახ, ეს არის მათი საქართველო. მათი საქართველო იქ არის, ოლიგარქის შუშის სასახლეში, ტენდერებსა და კორუფციაში, მაგრამ ეს ქვეყანა არის სხვა საქართველო.

დღეს საქართველო არის პრობლემებში, გაჭირვებაში, სიღარიბესა და უიმედობაში და სწორედ ეს საქართველო უნდა გადავარჩინოთ ოქტომბრის არჩევნებზე. ამიტომ ბრძლა ოქტომბრის არჩევნებზე – ეს არ არის ბრძოლა პოლიტიკური პარტიებისთვის, ეს არის ბრძოლა თითოეული ოჯახის კეთილდღეობისთვის, წინსვლისა და უკეთესობისთვის. ჩვენი მთავარი დაპირება პირველივე 100 დღის განმავლობაში შეიძლება შეჯამდეს სამი სიტყვით: კეთილდღეობა, დაცულობა და დასავლეთთან ინტეგრაცია“, – განაცხადა დავით ბაქრაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი