„სტრატეგია აღმაშენებლის“ დამფუძნებლის, გიორგი ვაშაძის განცხადებით, „ქართული ოცნების“ 8 წლიანი მმართველობის თავზე საქართველოს სტრატეგიულ პარტნიორებთან ნდობა სრულად ჩამოშლილია.

მისივე თქმით, ამერიკის ელჩმა საქართველოში პირდაპირ მოუწოდა მთავრობას, რომ წაიკითხონ და გაითვალისწინონ სენატის და კონგრესის განცხადებები.

„8 წლიანი მმართველობის თავზე სრულად ჩამოშლილია ჩვენს სტრატეგიულ პარტნიორთან ნდობა. ჩვენ ვზიანდებით მათი ყველა განცხადებით. რაც ყველაზე მთავარია, გუშინ ამერიკის ელჩმა საქართველოში პირდაპირ მოუწოდა მთავრობას, რომ წაიკითხონ და გაითვალისწინონ სენატის და კონგრესის განცხადებები. ამით ყველა მანიპულაცია დახურულია, რასაც აქამდე ეს დამსხვრეული „ოცნების“ პარტიის წარმომადგენლები ეწეოდნენ. მინდა მოქალაქეებს ვუთხრა, რომ ეს არის იმ საშინელი შიმშილისა და სიღარიბის განმაპირობებელი, რომელიც ახლა ხდება. მსოფლიოში ყველაზე ძლიერი ზესახელმწიფოს მხარდაჭერას არ ვიყენებთ“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

ტრამპი: ვინმეს სერიოზულად სჯერა, რომ ეს „არჩევნები“ სამართლიანი იყო?

კრაკოვში თავდამსხმელი საავადმყოფოში გარდაიცვალა

საქართველოს ბანკის მხარდაჭერით წინანდლის მამულში რიგით მეოთხე ღვინის სიმპოზიუმი გაიმართა

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია