2020-05-10 13:44:17, 1858 ნახვა
საზოგადოება
ოკუპირებულ ცხინვალის რეგიონში კორონავირუსით ინფიცირების 22 შემთხვევაა დადასტურებული
ოკუპირებულ ცხინვალის რეგიონში კორონავირუსით ინფიცირების 22 შემთხვევაა დადასტურებული. - დღეს ინფიცირებულებს 5 ახალი პაციენტი დაემატათ. ინფორმაციას სააგენტო, "რესი“ ე.წ. სანიტარულ სამსახურზე დაყრდნობით ავრცელებს.
ინფიცირებული14 რუსული სასწავლებლის კადეტია, შვიდი სამოქალაქო პირი და ერთი სამხედრო მოსამსახურე. ბოლო ერთი დღის განმავლობაში ოკუპირებულ ცხინვალში 48 ტესტი გაკეთდა და ხუთი დადებითი პასუხი დადასტურდა.
აღსანიშნავია, რომ ოკუპირებულ რეგიონში, კარანტინში 267 ადამიანი იმყოფება, 43 ადამიანი თვითიზოლაციაშია.
შეგახსენებთ, რომ ცხინვალში კორონავირუსით ინფიცირების პირველი შემთხვევა 6 მაისს დაადასტურეს.
ავტორი: ექსპრესნიუსი,
epn.ge (@expressnews.ge)
