კორონავირუსმა ყველაზე ძალიან სარესტორნო ბიზნესი დააზარალა. კვების დაწესებულებები ყველა ქვეყანაში დაიკეტა სადაც საკარანტინო ზომებია. საბერძნეთში სხვა მრავალი ქვეყნის მსგავსად მზარეულები და მიმტანები უმუშევრად დარჩნენ, ისინი სახელმწიფო დახმარებას იღებენ. თანამშრომლების სამსახურიდან გაშვება აკრძალულია.

„ცვლები შემცირდება, რადგან 7 ადამიანი ბევრია მაგიდების განახევრებული რაოდენობის მომსახურებისთვის. მე ვფიქრობ მოგვიწევს თანამშრომლებმა გავიყოთ ცვლები, რადგან ყველას მოუწიოს ცვლა და დაწესებულებამაც შეძლოს კორონავირუსის გადატანა",- განაცხადა მიმტანმა, იორგოს საკასმა.

საფრანგეთში ტექნიკური უმუშევრობის რეჟიმში 11 მილიონზე მეტი ადამიანი იმყოფება და ბევრი მათგანი, კარანტინის შემდეგ სამსახურში ვერ დაბრუნდება.

ახალი წესები აიძულებს სარესტორნო პერსონალს, სტუმრები ერთმანეთთან დისტანციის დაცვით განათავსონ, შესაბამისად მომხმარებლის რაოდენობა შემცირდება.

გარდა ამისა, იმ ქვეყნების გამოცდილებით, რომლებიც უკვე ხსნიან კარანტინს, მათი მოქალაქეები მაინც ერიდებიან ხალხმრავალ ადგილებს.

„მე მზად ვარ მივიღო ნებისმიერი ზომები, მე მინდა ვიმუშაო და ნორმალურ ცხოვრებას დავუბრუნდე მეც და რესტორანიც. მზად ვარ სტუმრების რაოდენობის განახევრებისთვის და შევამცირო თანამშრომლების რაოდენობა", - განაცხადა კრისტიან ეჩებესტიმ, რესტორნის მფლობელი.

ესპანეთში უმუშევრობა ისედაც დიდ პრობლემას წარმოადგენდა ეკონომიკისთვის. უმუშევრობის მაჩვენებლები რომლებიც გასულ წელს ყველაზე დაბალი იყო ბოლო ათწლეუბის განმავლობაში კვლავ გაიზარდა.

ცხადია, რომ დიდ რესტორნებს და მსხვილი ქსელებს მეტი შანსი აქვთ კრიზისის დასაძლევად. პატარა რესტორნებისთვის სახელმწიფო დახმარების გათვალისწინებითაც კი შესაძლოა შედეგი მძიმე აღმოჩნდეს.

„თუ ჩვენ ყველა იმ ზომას მივიღებთ რითიც მთავრობა ცდილობს დაიცვას ტურისტული სექტორი, ბარსელონაში რესტორნების და ბარების მეოთხედი 12 თვის განმავლობაში დაიკეტება. ტურისტების ძველი რაოდენობის დაბრუნებას 2021 წლის შემოდგომამდე არ ველოდებით", - განაცხადს როჟერ პაიაროლსმა, რესტორნის დირექტორმა.

გადამწყვეტ ფაქტორად რესტორატორები სახელმწიფო დახმარებას ასახელებენ, რის გარეშეც რესტორნები, რომლებიც პატარა და საშუალო ბიზნეს კატეგორიებში შედიან ვერ გადარჩებიან. მათი თანამშრომლები უმუშევრები და საარსებო წყაროს გარეშე დარჩებიან. 

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ზურაბიშვილი: არ უნდა გავჩერდეთ და 26 მაისს ძალიან ბევრი ხალხი უნდა გამოვიდეს

ზურაბიშვილი არ გამორიცხავს, რომ ივანიშვილს საფრანგეთის მოქალაქეობა ჩამოართვან

Euronews: უნგრეთის ახალი მთავრობა რუსეთის პატრიარქის დასანქცირების მზაობაზე მიანიშნებს

გიორგი ქოჩორაშვილმა Instagram-ზე დიუშენის სინდრომის მქონე მოზარდისა და დედის ინტერვიუ გააზიარა