საქართველოს ადვოკატთა ასცოციაციის კონკრეტული მოთხოვნები ევროპის ადვოკატთა ასოციაციებისა და სამართლის საბჭომ (CCBE) დადებითად შეაფასა. ამის შესახებ საქართველოს ადვოკატთა ასოციაციის საერთაშორის მდივანმა, დავით ასათიანმა, ჟურნალისტებთან საუბრისას განაცხადა.
მთავრობის მიერ მიღებული დადგენილება არ შეიცვლება და სადაზღვევო კომპანიებს შეუძლიათ ეს საკითხი დაივიწყონ, - ამის შესახებ საქართველოს შრომის, ჯანმრთელობის და სოციალური დაცვის მინისტრმა დავით სერგეენკომ კერძო დაზღვევის მქონე პირების სახელმწიფო ჯანდაცვის პროგრამიდან გამიჯვნის საკითხზე საუბრისას განაცხადა.
რუსეთის საგარეო საქმეთა მინისტრის მოადგილის გრიგორი კარასინის განცხადებით, რუსეთ-საქართველოს დიპლომატიური ურთიერთობების აღდგენა შესაძლებელია, თუმცა პირველი ნაბიჯი თბილისმა უნდა გადადგას.
ნატოს გენერალური მდივანი იენს სტოლტენბერგი რუსეთის აფხაზეთთან და სამხრეთ ოსეთთან მჭიდრო კავშირებით შეშფოთებულია, - ამის შესახებ სტოლტენბერგმა საქართველო-ნატოს კომისიის სხდომაზე განაცხადა.
საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ წიგნის საჯაროდ კითხვის მსოფლიო დღეს შეუერთდა.
დეკანოზი გიორგი მამალაძის მშობლების განცხადებით, მათ საგამოძიებო უწყებიდან დღემდე არავინ დაკავშირებიათ, თუმცა მათივე თქმით, უსაფრთხოების დაცვასთან დაკავშირებით, მამა გიორგის მსგავსი განცხადების გაკეთების საფუძველი სავარაუდოდ აქვს.
უნგრულმა ავიაკომპანია Wizz Air-მა ქუთაისი-ლონდონის მიმართულებით ავიაბილეთების გაყიდვა დაიწყო, - ამის შესახებ საგანგებო ბრიფინგზე საქართველოს ეკონომიკისა და მდგრადი განვითარების სამინისტროს შპს „აეროპორტების გაერთიანების“ დირექტორმა ქეთევან ალექსიძემ განაცხადა.
საავტომობილო გზების დეპარტამენტის ინფორმაციით, ინტენსიური თოვისა და ძლიერი ქარბუქის გამო, ხაშური-ახალციხე-ვალე (თურქეთის რესპუბლიკის საზღვარი) საავტომობილო გზის კმ1-კმ50 მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.
საქართველოს მთავრობის მიერ 9 თებერვალს მიღებული N73-ე დადგენილების გავლენის თაობაზე საქართველოს სადაზღვევო ინდუსტრიამ პრესკონფერენცია გამართა.
საქართველოს პრემიერ-მინისტრი გიორგი კვირიკაშვილი კათოლიკოს-პატრიარქის მოსანახულებლად ბერლინის კლინიკაში მივიდა.
იუსტიციის მინისტრის ბრძანებით, საარჩევნო სიის დახვეწის პროექტის ფარგლებში, პირადობის მოწმობის უფასოდ გაცემის კიდევ ერთი აქცია დაიწყო.
გომი-საჩხერე-ჭიათურა-ზესტაფონის გზაზე მისაბმელიანი ტრანსპორტის მოძრაობა აკრძალულია.
დედა სიდონიას განცხადებით, მას ემუქრებიან და მუქარის შემცველი წერილი პირადადაც მიუვიდა, - ამის შესახებ დედა სიდონიამ გუშინ გადაცემა "არჩევანში" განაცხადა.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
