13:23 - 15 Apr, 2026
ჩვენ შესახებ რეკლამა/ხელმოწერა
2015-08-08 14:28:30, 513 ნახვა

პოლიტიკა
გიორგი მარგველაშვილი: მე გარანტიას გაძლევთ, რომ ხელოვნური ბარიერები დაინგრევა

საქართველოს პრეზიდენტი გიორგი მარგველაშვილი ნიქოზისა და ცხინვალის ეპარქიის საკათედრო ტაძარში 2008 წლის აგვისტოს ომში დაღუპულთა სულის მოსახსენებელ პანაშვიდს დაესწრო და ადგილობრივ მოსახლეობას შეხვდა.
“ჩვენ მოვიხსენიეთ გმირი მებრძოლების სულები, რომლებმაც საკუთარი სიცოცხლის ფასად შეირჩუნეს ჩვენი სამშობლო.
დღეს ჩვენ ცხინვალიდან რამდენიმე ასეულ მეტრში ვიმყოფებით და გვყოფს აბსოლუტურად ხელოვნური ოკუპაციის ხაზი, რომელსაც გადავლახავთ შერიგებით. ჩვენ ნამდვილად გავაერთიანებთ საქართველოს და გავერთიანდებით იმ ადამიანებთან, რომლებთანაც გაყოფილები ვართ უაზრო, იმპერიალისტური ამბიციებიდან გამომდინარე.
ოკუპაცია ისტორიული ანომალია და უსამართლობაა, რომელსაც ვერ შეეგუება ვერც ქართველი ერი და ვერც თანამედრვე მსოფლიო, რადგან ის არის ხელოვნური.
ასეთი ხელოვნური ხაზები არაერთი არსებულა ისტორიაში, მაგრამ მე გარანტიას გაძლევთ, რომ ეს ხელოვნური ბარიერები დაინგრევა”, -აღნიშნა საქართველოს პრეზიდენტმა.
ომში დაღუპულთა სულის მოსახსენებელი პანაშვიდი ეპარქიის საკათედრო ტაძარის მოძღვარმა მამა გიორგიმ გადაიხადა.
პანაშვიდს ეროვნული უშიშროების საბჭოს მდივანი ირინე იმერლიშვილი, პრეზიდენტის მრჩევლები საგარეო საკითხებში თენგიზ ფხალაძე და სამხედრო საკითხებში აკია ბარბაქაძე, ასევე შიდა ქართლის გუბერნატორი და ადგილობრივი ხელისუფლების წარმომადგენლები ესწრებოდნენ.





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
შეერთებულმა შტატებმა ირანის სრული საზღვაო ბლოკადის დაწესების შესახებ განაცხადა
მარნეულში მატარებელი ცხვრის ფარას შეეჯახა, მწყემსი დაჯარიმდა
სასკოლო ფორმების დიზაინი ცნობილია
ახალგორის რაიონში გახშირდა ჩხრეკები და მობილური ტელეფონების ჩამორთმევის ფაქტები - DRI
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics