„საქართველოს პრეზიდენტს მხოლოდ გამოსვლის მე-40  წუთზე გაახსენდა ოკუპაცია, რაც კარგად  მეტყველებს მის პრიორიტეტებზე, თუ რა ადგილი უჭირავს ოკუპაციის თემას“,   - ასე აფასებს „ევროპული საქართველოს“ ლიდერი დავით ბაქრაძე საქართველოს პრეზიდენტის, სალომე ზურაბიშვილის სტრასბურგში, ევროპის საბჭოს საპარლამენტო ასამბლეაზე სიტყვით გამოსვლას.

მისი თქმით, განსაკუთრებული მოლოდინი ქალბატონ ზურაბიშვილის გამოსვლასთან დაკავშირებით არ ჰქონია, მაგრამ საქართველოს პრეზიდენტმა „კიდევ ერთხელ „მოახერხა“ მოლოდინის გამტყუნებაც“.

„გამოვყოფდი ორ ფაქტორს : პირველი, საქართველოს პრეზიდენტს მხოლოდ გამოსვლის მე-40  წუთზე გაახსენდა ოკუპაცია. ეს კარგად  მეტყველებს მის პრიორიტეტებზე, თუ რა ადგილი უჭირავს ოკუპაციის თემას და მეორე, ამ ორგანიზაციაში ათეულობით პრეზიდენტის და პრემიერმინისტრისთვის მაქვს მოსმენილი და ეს იყო პირველი შემთხვევა სახელმწიფოს მეთაურს მისცეს ღია შენიშვნა მისი გამოსვლის ფორმასთან  და რეგლამენტთან დაკავაშირებით . მან მოახერხა რომ  ისიც დაიმსახურა, რაც ამ ორგანიზაციაში არ მომხდარა , რატომ ?!  მიზეზი მარტივია - რაც შეიძლება ცოტა დრო დატოვა კითხვებისთვის.  ჩვენ მოვისმინეთ უაღრესად კრიტიკული კითხვები , მოვისმინეთ უაღრესად კრიტიკული  გამოსვლები და მოვისმინეთ ძალიან სუსტი, არაარგუმენტირებული და ხშირად არაკომპეტენტური პასუხები სალომე ზურაბიშვილის მხრიდან . მიმაჩნია რომ ეს გამოსვლა არაფრით წაადგება ჩვენი ქვეყნის ეროვნულ ინტერესებს“, -  განაცხადა დავით ბაქრაძემ.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ