2026-10-26 14:49:28, 273 ნახვა

---

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

პარტიის, „გახარია საქართველოსთვის“ წარმომადგენელი დეპუტატის, შალვა კერესელიძის განცხადებით, საკონსტიტუციო სასამართლოს მიერ მათი პარტიის აკრძალვის შემთხვევაში, საპარლამენტო მანდატებს დატოვებენ. ამის შესახებ კერესელიძემ დღეს, 26 ოქტომბერს, პარლამენტში გამართულ ბრიფინგზე უთხრა ჟურნალისტებს.

მისი სიტყვებით, საკონსტიტუციო სასამართლოს მიერ მისი პოლიტიკური პარტიის აკრძალვის შემთხვევაში, საპარლამენტო მანდატებს არანაირი ფასი და ძალა არ ექნება.

„არცერთი მანდატი არ არის მაჟორიტარული, ეს არის პროპორციული მანდატი, რომელიც მიიღო უშუალოდ პარტიამ - „გახარია საქართველოსთვის“. იმ შემთხვევაში, თუ ჩვენს პარტიას აკრძალავენ, პოლიტიკურ საქმიანობს აუკრძალავენ, ვფიქრობ, პარტიის მიერ მიღებულ მანდატებს არანაირი ძალა და ფასი არ ექნება. იმ შემთხვევაში, თუ ჩვენს პარტიას აუკრძალავენ პოლიტიკურ საქმიანობას, მაშინ, ბუნებრივია, რომ პარლამენტშიც ჩვენ არანაირი საქმე აღარ გვექნება და ამ მანდატებს არანაირი ფასი და ძალა არ ექნება“, - თქვა კერესელიძემ.

---

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

---

დღის თემა

მთავარი თემა

ინტერვიუ - ექსკლუზივი