2020-01-17 13:52:29, 2473 ნახვა

---

ბოკერია ირაკლი შოთაძის კანდიდატურაზე: აგონიაში მყოფი ივანიშვილი საზოგადოებას ეუბნება - „ფეხებზე მკიდია თქვენი რეაქცია“

„აგონიაში მყოფი ბიძინა ივანიშვილი საზოგადოებას ეუბნება, რომ ფეხებზე „მკიდია თქვენი რეაქცია“, - ასე გამოეხმაურა „ევროპული საქართველოს“ წევრი გიგა ბოკერია გენერალური პროკურორის პოსტზე ირაკლი შოთაძის კანდიდატურის წარდგენას.

ბოკერიამ შოთაძეს „გამოცდილი კლოუნი“ უწოდა.

„ამ სკანდალური ადამიანის დაბრუნება ივანიშვილის მხრიდან იმ სამარცხვინო საქციელის შემდეგ, რაც მან ჩაიდინა მაშინ, როდესაც ჩაფარცხა სარალიძის საქმე არის აგონიის გამოვლინება და იგივე დამოკიდებულება საზოგადოების მიმართ, რომელსაც აგონიაში მყოფი ივანიშვილი ეუბნება, რომ ფეხებზე მკიდია თქვენი რეაქცია. ივანიშვილს ისე უჭირს და იმდენად არ ენდობა არავის, რომ სურს ისევ გაკვალულ გზაზე წავიდეს და ის კაცი, რომელსაც მოუწია გადადგომა და არის გამოცდილი „კლოუნი“, დააბრუნოს თანამდებობაზე“, - განაცხადა გიგა ბოკერიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი