„მეუფე პეტრეს უსაზღვროდ დიდი როლი აქვს იმაში, რომ დღეს მამალაძეს ციხეში ყოფნა უხანგრძლივდება“, - ამის შესახებ ბათუმისა და ლაზეთის მიტროპოლიტმა, მეუფე დიმიტრიმ, „მთავარ არხთან“ საუბრისას განაცხადა.

მისი თქმით, მათ ჰქონდათ მოლოდინი, რომ დეკანოზი გიორგი მამალაძე სინოდის შუამდგომლობის შემდეგ გათავისუფლდებოდა.

„მოლოდინი გვქონდა, რომ განთავისუფლდებოდა, რადგან ჩვენ, სინოდმა მივიღეთ გადაწყვეტილება და მივმართეთ შუამდგომლობით პრეზიდენტს. ის რომ მისი ძმა გამოვიდა და იძახდა, რომ რაღაც დიალოგი შედგა ვითომ პრეზიდენტთან სრული აბსურდია. საერთოდ ამ ადამიანს ახასიათებს ეს ქოსატყუილობა. მე დეკანოზმა მამალაძემ მომწერა ის გახმაურებული წერილი, რომლის შინაარსსაც რატომღაც ყოფილი ჭყონდიდელიც არ ახმოვანებდა. თუ არ დამიხსნით ციხიდან მე ამ ყველაფერს ჟურნალისტებს და სააგენტოებს დავურიგებო. ამას წერდა მამალაძე და აწერდა ხელს. ეს არის შანტაჟი. იმაში, რომ დღეს მამალაძეს უხანგრძლივდება კიდევ ციხეში ყოფნა ფაქტია, რომ ამ საქმეში ჭყონდიდელ ყოფილს, მეუფე პეტრეს უსაზღვროდ დიდი როლი აქვს“, - განაცხადა მეუფე დიმიტრიმ.

შეგახსენებთ, რომ გუშინ პრეზიდენტმა მსჯავრდებულთა შეწყალების აქტი გამოსცა, რომლის მიხედვითაც მან 5 პატიმარი შეიწყალა. აღსანიშნავია, რომ შეწყალებულ მსჯავრდებულთა სიაში ე.წ. ციანიდის საქმეზე დაკავებული დეკანოზი გიორგი მამალაძე ვერ მოხდა.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ