„დღეს დაბეჯითებით შემიძლია ვთქვა, რომ დეკანოზი მამალაძე არის პირადად საქართველოს კათალიკოს პატრიარქის პატიმარი“,- ამის შესახებ ანალიტიკოსმა გოჩა მირცხულავამ „რუსთავი 2“-თან საუბრისას განაცხადა.

მისი თქმით, პრეზიდენტის განცხადებიდან ირკვევა, იგი დეკანოზ მამალაძის საქმესთან დაკავშირებულ დეტალებს არ იცნობს.

"პრეზიდენტის განმარტებებში ჩვენ მოვისმინეთ, რომ თურმე დეკანოზი მამალაძე პატრიარქის სიცოცხლისა და ავტორიტეტის ხელმყოფი ყოფილა. გამოდის, რომ საერთოდ არ იცნობს პრეზიდენტი საქმეში არსებულ დეტალებს, რადგან საქმეში დეკანოზ მამალაძეს ბრალი წაყენებული აქვს, შორენა თეთრუაშვილის წინააღმდეგ ანგარებით მკვლელობის მომზადების მცდელობაში. ეს გადაწყვეტილება მიღებულია საპატრიარქოსთან შეთანხმებით და დღეს დაბეჯითებით შემიძლია ვთქვა, რომ დეკანოზი მამალაძე არის პირადად საქართველოს კათალიკოს პატრიარქის პატიმარი“,- განაცხადა გოჩა მირცხულავამ.

შეგახსენებთ, საქართველოს პრეზიდენტმა სალომე ზურაბიშვილმა საშობაოდ სულ 5 პატიმარი შეიწყალა. შეწყალებულებს შორის გიორგი მამალაძე ვერ მოხვდა. როგორც პრეზიდენტმა დღეს გამართულ ბრიფინგზე განაცხადა, ვერ მონახა არგუმენტი, შეწყალების კრიტერიუმების გამკაცრების პირობებში, რატომ უნდა დაშვებულიყო გამონაკლისი დეკანოზ გიორგი მამალაძის საქმეზე. მანვე აღნიშნა, რომ "ასეთი მძიმე დანაშაულისთვის მსჯავრდებულის შეწყალებას საზოგადოების დიდი ნაწილი ვერ გაიგებდა".

ავტორი: ექსპრესნიუსი,

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა